Ka Dawt Tukmi Kan Lainu Hna Hi Ka Ca Nih Hin Thazaang In Pe Hram Hna Seh

Chin News

Ka dawt tukmi kan Lai nu hna, hi ka ca nih hin nan thazaang in pee hram hna seh. Kan Lai nu hna thinlung hi Lai pasal tampi nih hmu thiam hna u si law kan thinlung nih a rak tuar kho hrim lai lo mu.

Lai pasal hna tha tein ruat hna u si. Kan Lai nungak hna thinlung ah kei cu ka pasal caah zumh awk ka tlak ti lai lo tiah lungdonghnak thinlung ngeihnak tiang in Lai nu a tuahtu hi Lai pasal kan si ko lo maw tha tein ruat tuah hna u si. Kan Lai nu hna pasal zong tha tein ngeih khawh lo le an lungdongh hnuah a phunphun thangchiat tiang an tonmi hi Lai pasal nang le kei kan tuahsernak ruang ah a si ko lo maw? Lai nu nih Lai pa nupa sinak tuah a sawm lai ti nan ruat bal maw?

A thawk hmasatu cu pa peng kan si ko lo maw? Cucaah kan Lai pasal hna, kan lai nu hi daw bak cang hna u si. Media chung zongah an thangchiatnak tial ti hna hlah u si. Lai pa nih kan rak ihpi cang hna i ka pasal ding Lai pa caah zumh awk ka tlak ti lo tiah lungdongh in a um ti kha rak theih piak cang hna u si.

Ka dawt tukmi Lai nu hna, kei cu ka pasal caah zumh awk ka tlak ti lo tiah lungdongh in na rak um tawn sualmi kha rak um hrim ti hlah. Na khuaruah ning kha rak thleng hrim cang law. nangmah an duhtu le an dawtu an tam tuk rih ti hi rak philh hrim hlah mu. Lai nu zumhtlak ka si ti lo tiah na rawk thai sual lai ti ka phang tuk. Ka lung a fim cang. Lai nu zeibantuk dirhmun na phan zongah duh na nung tuk ko.

Lai pa caah thinlung put na rak ngeihmi cu aa dawh tuk. Thianghlim tein Lai pa vat na duhnak thinlung cu zeihmanh nih a tluk lai lo. Lai pa caah Lai nu nan si peng ko lai. Keimah zong Lai nu thinlung ka rak hmuh hlan cu a phunphun in palhnak ka rak tuah ko nain tuhnu cun Lai nu thinlung hi ka dawt i ka upat tuk cang ee. Lai nu Lai pa tam tuk nih an in duh rih ko. Dirhmun chia ah na um hrim rih lo kha mu..duhnung Lai nu.

Siaherhnak he Chan Cung Hnin Hlawnceu

Leave a Reply