Ka Darling Thing He Kan I Tong Than

Theihtlei

Ka Darling Thing He Kan I Tong Than

Ka darling thing hi kum 24 lawng a si rih. Aa dawh i, duh a nun siling te a si. Kei zong 25 ka si. Asinain tangka nih a mit a cawtter ve i, tangka a ngeimi sinah a ka pial tak. Kum thum chung kan i duh hnuah cang nain hi bantuk si i, ka lung a fah ka celh ve hrim lo.

Ka duh tukmi a si tikah umtu awk thiam lo tiang a ka tuah. Asinain lungthawn kaa pe i, ka hmailei nunnak lam ka panh thiamthaim ko. Asinain a darling pa zu a ri i, an buai. An karlak buainak a linhsat tuk caah lungfak ngaiin zudinnak hmun ah a rak phan.

Keimah zong ka rak thut lio he aa ton caah kan i hrial kho ti lo i, kan thu ti lawlaw. Kan biaruah a thaw, a lungthin le ruahnak vialte a phuan dih. Kan tuanbia thing vialte kan cul than dih hna i, cuticun chun ni tlak tiang caan kan hmang. A donghnak ah cun kan i sum kho veve ti lo.

A thaizing in cun a darling pa he an i kom than. Asinain message kuat a dai ti lo. Ka darling nih a ka duh tuk ko, asinain amah he um ti hi ka nuamh lo pinah nangmah bantuk a si lo a ka ti. A darling he cun an i then than. Keimah he kan um tinak le kan tuahmi vialte a phun than lengmang. Zeitin dah ka tuah lai? Ka duh than ti ve lai maw?

Bia Lettu: Hnulei ah na soha hau. Na kawmh than i, pumsa pehtlaihnak na hman pi lengmangmi hi a caah thil tha lo na tuah lengmangmi tu a si. Khatlei in a darling caah thil tha lo a rak tuah ve. Fiang tein chim law kan tuah kho ti lai lo tiah fiang tein chim ko.

Ngaknu nih nangmah zong na feeling lente an celh pi. Zungzal in kan i um thai ding a si lawng ah kan i kawm lai, cuticun a si tung lo ahcun kan i tong ti lai lo na ti lai. An duh tak tung lo i komh sawh in an komh ahcun nangmah nih na hrial a hau cang. Zungzal na um pi dingmi na kawl a hau ve. Ka catlangbu nih an bawmh lai tiah ka zumh!

Ref: TOI

Leave a Reply