Ka Darling Nih Nupa Sinak Kan Tuah Lai Paoh Ah Zu A Ka Dinpi Tawn Nupi Pasal Ngei Cangmi Nih Rak Let Uh! Nungak Tlangval Cu Si Lo

Biahalnak: Ka darling nih nupa sinak kan tuah lai paoh ah zu a ka dinpi tawn. Kan tuah hlan zu din hi kan hmang theu i hihi nupa sinak tuah lio i rithai si hman a tha maw?

Bialeh: Na darling nih nupa sinak nan tuah lai ah rit hai si hmanpi an timhmi hi nangmah le nangmah kha bia halnak i tuah ta. Rithai si hman hnu i nu le pa sinak tuah dingah feelingnak phun khat cu a si ve ko nain mah cu a rak si kho thlu lo. Zu din lio i nu le va sinak tuah tikah nuamh ning ai dang. Zu rit buin nu le va sinak tuah cu a tlamtling kho lo. Cheu khat cu zu an din tikah an thluak tha a der, an lungthawhnak a zorter caah nu le pa sinak ah a hnursuan hna.

Nu le pa sinak tuah tikah pakhat le pakhat kan i upat ding hi a biapi tuk. Cun zu rit lio i nan tuah ahcun tahchunhnak ah pum vennak condom te hna hman zong nan philh khawh. Cu nih a hnu ah harnak an pek khawh hna. Zu nih hin mino siseh, upa siseh tampi a hrawh cang hna. Cun zu din lio i nu le pa sinak tuah cu tthat nakin tthat lonak tu a chuahpi deuh.

Nangmah cungah harnak a tlun lo nakhnga na darling zong kha ttha tein chim. Nan pahnih karah a ngandammi theithiamnak a um ko ahcun na darling zong nih an theihthiampiak ko lai. Asinain na chimmi a cohlan duh lo ahcun man khiaktu cu nangmah kha na si ko cang. Hihi nupi pasal a ngeimi hna ca deuh ah van ttialpiakmi a si. Chirhchan: sexet.org/Vaurawngpar