US President a simi Donald Trump Cozah nih a luancia July thla 6 lio ah, US ram cacawng liomi hna cu Visa hnon/ hlawtpiak ding in a rak chimmi cu a let ṭhan tiah theih a si. A bia a letnak a ruang cu USA ram minthangbik Harvard, John Hopkins le Massachusetts Institute of Technology (MIT) hna nih Trump Cozah biachiahmi cu an duh lo caah tazazuai an timh caah July thla 6 ah a rak chimmi cu a let ṭhan mi a si tiah New Yourk Times nih a tarlangh.

President Trump nih a rak Chimmi bia cu rammi ṭhenkhat nih an cohlan lo pin ah US ram a simi US ram ah fim cawnnak he pehtlai in rian a ṭuanmi nih an duh lo i an doh tiah theih a si. Cucaah President nih a chim cia bia a let ṭhannak a si pinah tazacuai a ṭih caah a si lai tiah an zumh.

US ram ah ca a rak cawngmi hna nih zalong tein cacawn khawh a si ko lai tiah theih a si. Asinain COVID-19 zawtnak ruang ah US ram ah cacawn a duhtu hna cu Online lawng in cohlan an si rih lai tiah New Yourk Times nih a ṭial

Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Asinain minung kan ti cu tlamtlin lonak tete zong a kho mi a si caah thawngpang kan ṭialmi kan palhnak a um cun theihter khawh peng kan si. Cun, pehtlaihnak tuah duhmi nih Chinworldnewsevening page ah le J Vanduhthar Lahnin timi Facebook ah pehtlaih khawh peng kan si. Mipi sinah thawngpang thlazamh na duhmi um cun zeitik caan paoh kan i thlahzamh piak khawh zungzal hna. Upatnak he-Admin