Dawtmi Chinmiphun vialte hna dawtnak in ṭang ṭi hna usih ti kaduh, naitan ah kaṭial cang btk in Rakhine le AA kong he pehtlai in tlawmpel te ṭial ṭhan kaduh, cun kan Chin mi zongnih kaa le holh lawng si lo in kantuah ṭuan a herh cang tiah karuah ruangah kanolh ṭhan mi asi.

1. AA hi cu hlan ah theihmi le hngalhmi an rak si bal lo nain kum 2000 hnu caan zeimawzat hnu ah cun theih ngaimi ah an hun cang, an ṭhawn le an der kha a bipi ah kachiah mi asi lem lo, nain ralkap an si caah tuah uh an timi poh kha an duh lo zongah an tuah ding kha an rian asi, khakha an ral ṭhat ruangah asi lo, ralkap an si ruang tuah khan asi, Kadawt Mi Chin Miphun hna ṭih hrimhrim hlah.

2. Rakhine Miphun pawl hi kan unau kan Laimi Lawngtlai District chungah a um mi zong khuahnih bak te an um ve cucu ( Hmawng Bu Chuah ) le ( Zocachuah ) an si, a chung ah le ka dangdang ah a um mi kong tampi kaṭial ti lai lo, cu liao can ah cun duh ninglaw anmah sin ah cun khuabawi hmanh a rak ṭuan kho ding dirhmun ah ka rak si ve, i phorhlawt nak asi hrimhrim lo, kachim duh bikmi cu nangmah lungthin kha a bipi cem mi asi, na ṭih hna asi ah cun an i nek lai, asi nain na ngamh hna si ah cun an i ṭih ko lai, Laipa na ngamh bak asi ah cun khuate pakhat hmanh nih an ni ngamh lai lo, Kadawt mi Laipa fak pi”n khuaruah can a cu cang hih daithlang ti hlah.

Na Duhdawt mi Nungak tlangval hna sin hmanh ah nunnak pek tiangin bia na rak kam asi lo mei? Dawtmi Chin miphun vialte hna, na chungkhar nak in na miphun caah nunnak pek in biakam hi a sunglawi deuh lo mei? na tuanbial nih lai a rel te lai, a sawhsawh asi lai lo, na techin fapar tiangnih phung bangin na tuangbia hi chim le ṭial asi te lai cucu na caanṭha a um lio ah liam ter sawh hin hlah mu, Laimi Chinmi kan si nak hi mah le mah sin ah si lo in Miphun dang sinah le Miram dang sin tuah langh ter hna usih a caan a za cang. Nan zaate kandawt tuk hna.Ṭialtu: ‎Bawi Za Lian‎