K-pop Hlasak Thiam Sulli A Nunnak A Liam, A Thih Lai Ah Bia A Chim Mi Cu Ngaihchia Ko

K-pop hlasak thiam le lemcang rian zong a tttuan mi Sulli cu nizan October 14, 2019 ah a thi tiah theih a si. Amah manager nih phon in a chawnh i, a chawnh khawh lo tikah a umnak inn ah a va kal tikah ahcun amah inn ah a ruak in a hmuhnak kong cu Police sinah a chim. Sulli hi Kum 25 lawng a si i, a hngakchiat tein lemcang rian a ttuan cang mi a si i, Best New Star laksawng zong a hmu bal cang mi a si.

Sulli hi K-poh band f (x) ah a rak i telmi a sinain online chungin soiseltu an tamtuk ruangah kum 2014 ah K-pop band in a rak chuak. Soiseltu hna cungah a lungtlinlonak le a thinhunnak kong zong a rak chim bal. Sulli thihnak kongah police lei nih cun amah tein nunnak aa lami si lai ti chim in, a thihnak kong thil sining zong an hlat lai.

Sulli a min taktak hi Choi Jin-ri a si, a thihnak kongah Agency SM Entertainment lei nih zeihmanh an chim rih lo. A thih hlan nihnih a khan Instagram-ah video a thah i, mah video ahcun a ttah buin a fans hna sinah hi tin bia a chim. “Misual ka si lo, rak thei sual hlah uh” tiah a chim.

Ref: News 18.com