John Fready: Oneness Doctrine Hlawtter Le Hrawh A Timtu Cu Thumkomh Doctrine A Tanh Taktak Tuhi An Si

Sermon

2The 2:7 Mithalopa thawnnak cu a thli in rian a tuan lengmang cang, Sihmanhsehlaw a khamtu kha thial a si hlanah cun a chuak kho rih lai lo. Sahrangpa, Mithalopa hi Bible Cathiang nih caan donghnak lei caan par ah a hung chuak te ding a si , tiah a chim.

No photo description available.

Asinain, a tucu a hung chuak rih lo, zeicahtiah a khamtu a um rih caah a hung chuak kho rih lo , tiah a ti. Sihmanhsehlaw, a tu Kan Chan ah hin chuak kho rih lo hmanh seh law, a um sawhsawh kun maw? tiah cun, um sawhsawh hlah, Zeidah a tuah, A thli in rian a tuan, Mithalopa nih cun, mi zei hna sinah dah a thli tein cun rian a tuan lai?

Image may contain: text

Jhn 10:10 Mifir cu fir duh le thah duh le hrawh duh lawngah an ra, Mithalopa nih hrawh a duhmi hna le thah a duhmi hna sin ah cun mifir bantuk in a thli tein rian a tuan a hau. Vawlei cungah Zum lotu le khrihfa zumtu a si ko nain a hringthan lomi hna cu hrawh le thah duh ah a thli tein rian tuan a hau loh.( hrawh awk le thah awk zumhnak Zungzal nunnak an ngei lo) Zumtu mi piangthar, Pathian fa a simi hna Lungpi cung i dirh mi Khrihfabu tu kha hrawh le thah a duhmi a si caah zeitindah rian a tuan lai? Thaihthiamlo dingin a thli in rian tuan a hau.

Paul nih, Bawipa Jesuh Min doh aa timh tikah zei dah a tuah? Khrihfabu a hrem hna i an zumhnak kha hlawtter aa zuam. ( Lam 26:9-11 ) • Jesuh Min doh cu Jesuh Min in mi a cawnpiaktu hna doh kha a si i, Zeitindah a doh? An zumhnak kha hlawtter hna aa zuam.

Cucaah Mithalopa nih Zumtu mi piangthar sinah a thli in rian a tuan ning ding cu, hrawh an si khawhnak hnga le thah an si khawhnak hnga , an zumhnak rawkter kha a hmasa bikah aa zuam dingmi rian cu a si. Cu bantuk in Mi zumhnak hlawtter aa zuammi Pa , Saul ( Paul ) timi cu Christian silo mi Pathian a bia lomi si loin, Biaknak a tanh taktak mi Pa kha a si.

Nihin zongah Mithalopa nih a thli in rian a tuan tikah khrihfabu zumhnak hlawtter kha aa zuam hmasa bik dingmi a si caah, zumlotu mi hmang in zumtu zumhnak hrawh le hlawtter hna ding cu a si khawh lai lo caah khrihfa ka si ve aa timi chungin Biaknak lei aa zuam taktak mi , Vawlei fimnak lei ah porhlawtpi ding tlak tluang a khong khomi Keimah aa ti kho vemi ,,dirhmun zong a ngei vemi , zapi nih a fim cawnthiamnak zoh in a cawnpiaknak an zulh khawh dingmi pa , mi cawnpiak a thiam ngai tung i, Biatak a dih ngam tu ding cu a thli in rian a tuannak ding cu a si lai.

Jesuh khrih an Bawipa an rak zumhnak hlawtter a timtu zumhnak kha Pa Pathian ( Jehovah) zumhnak tu a tanh mi Saul ( Paul ) a rak si. Oneness doctrine le zumhnak doh i hlawtter a Kan timtu ding doctrine le zumhnak cu, Biaknak dangpi in a rami doctrine le zumhnak a si lai lo. Kan pawngte ah a ummi, Biakmi Pathian aa khatmi , biakning doctrine le zumh ning tu aa dang tungmi a si ve lai, Oneness doctrine le zumhnak hrawh aa zuamtu ding doctrine le zumhnak cu Biakmi Pathian aa khat i biak ning le tanh ning aa dingmi cu thumkomh doctrine lawnglawng a um.

Cucaah Biakmi Pathian aa khatmi chungin Kan zumhnak Kan doctrines le Kan phung le lam hna hrawh a Kan timtu le a Kan dohtu cu mi zei dah an si lai? Oneness doctrine hlawtter le hrawh a timtu cu Thumkomh doctrine a tanh taktak tuhi an si. tihi Thlarau mit a varmi le Thlarau hna a ngeimi paoh nih cun hmu in hngal hna seh.

Bia 1:9 chung, Thlarau bia hna hi, Taksa mit le Taksa mi sinak fimnak nih cun zei bia dah an si ti le aho kong dah a si, tihi , Minung Chan a dih hlan lo an hngal kho lai lo, Bawipa Jesuh a rat than te tik lawnglawng ah an nih nih an rak doh i an rak cohlang duh lomi, Mi Fapa kong pei a rak si ko hi, tihi , an lung a piang te lai.

Bible Cathiang nih a tial ningah cun, Vision of the Trinity, ti lo in, Vision of the Son of Man, Mi Fapa langhnak, titu a si. Zeiruangah dah mi cheukhat an lung a piang lo?( Tahchunhnak in chimmi le langhnak a si caah a si hnga maw? )

A chimtu Johan hi, Bawipa Ni ah Thlarau in a um I, timi, Asullam cu, • Langhnak hmuh i umtu ning kha a chim duhnak a si i, Hi Vawlei cung Kan nun phung ruat lo le, tuaktan ti lo in, a umnak hmun hmanh kha Patmos tikulh a si ti thei ti loin, Cunglei thil hna ruat le tuaktan in a um i. Van lei ah a um diam mi bantuk in a um.

Ka hnu lei in, Muko tum thawng bantuk i a thangmi Aw kha ka theih. Langhnak a hmutu Johan nih a theihmi cu Muko tum thawng Aw, Si loin, Muko tum thawng bantuk i a thangmi AW, tu kha a theihmi cu a si. Kan hawi le cheukhat nih an rak theih vemi cu, Muko tum thawng Aw, tu hi thang taktak in rak theih dawh an si, ( theih ning palh hi a hnu ah ningzak ngai khi si tawn )

Cu Aw nih cun, Kei cu Alfa le Omega, hmasa bik le hmanung bik ka si. Hi bia hi, ho nih dah chim tawn, tiah cun, Bawipa Jesuh bia a si. 1:8, nak ah, Kei, Alfa le Omega, Hramthoknak le Donghnak ka si. A um liomi le a um cangmi le a um Laimi zeizong tuah khotu ka si. tiah, Bawipa nih a ti.

Asullam cu, Alfa le Omega cu ho dah si, ti ah cun,
• A um liomi, ( – Bawipa Jesuh )
• A um cangmi,( – a ho dah rak um cang mi cu?)
• A um laimi, ( – ho dah rak um than ding ? )
• Zeizong tuahkhotu, Bawipa, ka si, titu kha,

Exo 3:13,14 nak i, Moses sinah Keimah cu a UMMI Keimah ka si ko. Rak titu kha a um cangmi cu a si i, Cucu, Heb 11:26,27 chungah Moses nih cun, Messiah ruang i minchiatnak cu Izipt ram i rumnak nakin a sunglawi deuhmi chawva ah a ruah , zeitintiah a hmuh laimi Laksawng kha a cuanh peng, Zumhnak in siangpahrang thinhunnak zong tih loin Izipt ram a chuahtak i HMUH KHAWH a si lomi kha A HMUH ruangah lungsau in a in ko.

Jhn 8:24 Cucaah cun pei nan Sualnak chungah nan thi lai, Kan ti hna kha a si cu, Cun, Keimah cu Keimah Ka si ko timi ka si kha nan ka zumh lo ahcun, nan Sualnak chungah nan thi ko lai, tiah, a ti hna. A um cangmi hi mi dang a hohmanh an si lo, Bawipa Jesuh hrimhrim a rak si ko i, amah cu a um liomi le a ra than ding a um laimi cu a si ko.

Na hmuhmi cu Cauk ah tial law, Asia ram i a ummi khrihfabu 7 , Efesa, Smirna, Pergamos, Thiatira, Sardis, Filadelfia le Laodisia sinah kua hna, tiah a timi ka theih i, Khrihfabu a dirhtu le a umpitu cu Bawipa Jesuh khrih a si. Cucaah khrihfabu a daw taktak tucu thisen in a cawtu Bawipa Jesuh a si caah, khrihfabu sinah cakuat tial le kuat a fialru hi Mi Fapa Jesuh kha a si.

A ka chawn tu hmuh duh ah ka theihmi Aw lei ah kaa mer i, Sui meiinn chiahnak 7 le meiinn 7 chiahnak lai fang ah Mi pakhat, Mi Fapa bantuk a ke tiang puan aa aihmi le a taang ah sui Taisawm aa somhmi kha ka hmuh. Tu lio Kan hawi le cheukhat nih, Mi Fapa langhnak Johan nih a hmuh mi hi, Trinity a hmuh rua an ti rua , ka ti.

Thlarau in a um, timi khi, Thiang Thlarau a hmuh, ti phun in, Cun, Muko tum thawng bantuk i a thangmi Aw, ti khi, Muko thawng a thangmi, ti phunin Cun, Aw a rak chuahnak hnu lei a hun I mer tikah, Mi pakhat, Mi Fapa bantuk , timi hi a theih hmasatmi Aw he aa dang diammi kha a hmuh than mi hi a si rua an ti rua , ka ti, Mah ti an hmuh le an theih ning a si taktak ah cun, langhnak a hmutu Johan hmuh ning le Tu lio Kan hawi le cheukhat Theology hi Van le Vawlei aa hlaat tluk in aa hlaatmi cawnpiaknak a si cang.

2Tim 4:3,4 Cawnpiaknak a dikmi kha mi nih an ngaih duh lo i anmah duhnak tu kha an zulh i anmah theih duhmi chimtu dingah cawnpiaktu an lak hna lai caan kha a phan lai. Biatak kha an kaltaak lai i minung tuanbia tu kha ngaih an duh deuh lai. ( Zeitintiah Cawnpiaknak dik an ngaih duh lo caan kha a phan lai. An hna kha a zaa lai i anmah nih ngaih an duhmi cawnpiaknaktu kha an sawm hna lai. biatak in an hna an mer lai i, tawnchommi tuanbia lei ah an PIAL lai.)KJV

2Tim 3:5 Pathian a duh ngaimi an I lawhter lai, a sinain a thawnnak kha an zum lai lo. Cu bantuk minung cu hrial hna. Oneness doctrine le Jesuh Min hi, Biaknak dang in sual phawt i, doh le hrawh a timtu an rak chuak te lai tiah ruat hlah, Kan zumhnak hlawtter a Kan timtu ding Mithalopa nih a thli in rian a tuan ning cu, Kan Biakmi Pathian ka bia ve aa timi Kan pawngte ah a um tung i, Kan tanhmi Jesuh Min doh i, Kan doctrines condemn tuahtu cawnpiaknak kha a si ko lai.( a tawinak le bia thup in Ka tialmi si ) Hi Thlarau bia hi, Thlarau hna a ngeimi paoh nih thei seh. Amen Credit: John Fready

Leave a Reply