US President ca i a tling ko lai tiah ruahmi Biden nih atu US President a tuan liomi Trump cu fak tak tak in ralrin a peek. Biden nih Trump ralrin a peknak hi tuni ah Coronavirus kong Rose Garden i biachimnak le update a tuah hnu ah a si. Trump nih cun Covid-19 khamnak sii vaccine cu US ram pumpi caah a tuanbik ah hmaikum April cun a ngah cang lai tiah a chim hnu ah a si.

Biden nih cun Trump cu fak tak tak in Trump covid kong i a riantuannak chambau tak tak le fel lo tak tak ah a puh. Hi ti zong hin a ti ‘ Covid-19 nih hin ni le thla calendar hi a upat lo. Atu ah rang taktak in a karh,tuni hrimhrim ah atu a tlai liomi cozah nih rian a tuan colh a herh. Kei hi President ca i thimmi ka si, asinain hmaikum hlan ahcun President ka si rih lai lo. Covid 19 zawtnak karh ning, mi zaw le tih a nun ning ka zoh ah ka lau tak tak. Arannak in cawlcangh a herh tiah Trump cu ralrin a peek.

US ram ah atu dirhmun in Covid ruang ah case thar hi ram pumpi ah nikhat hna ah case 153,496 tluk a phan tawn. A tam ngai ngai. Asinain case a tam rup in a thi mi belte a tam lo. Vawleicung ram tam deuh ahcun Covid hi cu ti ngai ngai in a hlan bantuk in an ṭih tuk ti lo. Source: Daily Mail (Kawltunews)

Thawngpang dang rak rel chih: Falam gate check ah COVID-19 zawtnak hrik minung pakhat sin in hmuh. Kawl lei in rak kai lei Falam gate check ah November 14 zanlei ah Tedim in Hakha i tender sok ah a ra mi pa kum 31 sin in COVID-19 zawtnak hrik an hmuh tiah tuanvo ngeitu sin in thawng kan theih.

Hi kong he pehtlai in Falam Sii-inn Sizung-uk Dr. Tluang Cung Thang nih “Tuzanlei 5:15 ah Tedim in Hakha ah tender sok i a ra mi kum 31 pa sin in zawtnak hrik hmuh a si i Falam sii-inn ah chiah a si,” tiah The Hakha Times ah a chim.

Hi zawtnak hmuh mi pa hi Tedim peng khuate um mi a si i an khua lawng si lo in Tedim khua chung zong ah thutdir le umkal balnak ngeih dawh a si.

Hi kong he pehtlai in Dr. Tluang Cung Thang nih “Motor pawl hi check i zawtnak hmuh mi cu atu bantuk in sii-inn ah chiahcolh an si. Asinabel tein zawtnak hmuh lo mi zong hi zakhat ah zakhat kan him tiah i ruah ding an si lo. Cucaah an khua le an chungkhar sin ah i foncolh lo le ralring tein um ah a tha,” tiah a chim.

“Laitlang ah kan hngalh lo in kan khuachung ah zawtnak hi a rak lut in rak um cang sehlaw chim khawh kan si ti lo. Zeicatiah Kawl lei in Laitlang lei tlungkal mi lakah a bik in motorcycle hi gate ah check khawh lo a thlithup in a lutchuak mi an um len cang ca ah chim khawh kan si ti lo,” tiah a cunglei upa sin in kan theih.

Falam gate check ah hin zinglei 10:00 in 12:00 kar le zanlei 2:00 in 5:00 kar ah an check hna. Zanlei 5:00 hnu i a phan mi cu zan riahter in a thaizing ah check an si. Atu lio ah Falam sii-inn ah mizaw pahnih an um tiah theih a si. Source: The Hakha Times

Admin hmurka: Chinworldnewsvening nih thawngpang kan ṭialmi hi kanmah nih  kan phuah cawpmi kan ṭialmi a si lo. Mipi sinah adikmi thawngpang zamh hi kan  i hmuitinhmi a si. Cun, thawngpang kan ṭialmi hi areltu mipi caah ṭhathnem  santlaih, theihtleih ṭha siseh ti hi kan i hmuitin bikmi a si. Asinain, minung kan ti  cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, Na relmi thawngpang hna hi midang nih an rel khawh ve nak hnga atha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin