Atu liomi cu zeidang thawngpang theih awk um loin, US rampi President thimnak nih mipi lung a kan tuai cio lai tiah ka ruah. US President caah thimmi Joe Biden nih US President a ṭuan ahcun, a tuah dingmi le a ṭuan ding cheukhat pawl a von chim cang.

Joe Biden nih ai timhmi cu, Minak le Mirang thleidannak le ihuatnak um lo dingin le minak pawl duhnak tuahpiak le zulh piak, pa le pa, nu le nu zong nautatnak um loin zalong tei an um khwhnak hnga phung ser an i tim.

Cun, Joe Biden le a party Democratics pawl nih US ram an uk tikah zalong tein nauthah le nauhrawh khawhnak phunglam um ding le ngaih dingin an timtuahnak an ngaih cuahmah lioti a si. Cu hleiah, mipi (ahopaoh) nih zalong tein meithal an i tlaih (put) i an ngaih khawhnak ding caah zongah biatak tein cawlcangh an i tim i ramdang mi fawi tein US ramchungah luh khawhnak ding zong tuah an i tim.

Cun, US ramchung ummi ahopaoh nih Vote thlak khawhnak ding le US mi sinak  fawi tein pek dih a si khawnak hnga zong biatak tein buaipi le dirpi an i tim. Nu le nu, pa le pa a duhmi hna zong humhim le ahohmanh nih hnahnawhnak pe kho lo dingin anmah duh in zalong tein an um khawhnak phunglam zong tuah an i timh chih tiah theih a si.

Asinain, Joe Biden nih President a ṭuan taktak ahcun, upa pawl he hmunkhatte ah caihhmai ṭinak an ngai lai i cu hnuah bia fiang deuh thanhnak an tuah ṭhan te lai. Atu i kan von langhtermi pawl hi cu anmah nih tuah an duhmi le an i tlaihmi pawl an von langhtermi a si i mi tam deuh nih cun hihi an cohlan piak ko hna lai tiah zumh a si. Source: Outlook/Vapualauaw

Thawngpang rak rel chih: Democrats le democrats a dirkamhtu pawl lungput cu communist, socialist le ralkap cozah bantuk ah an i chuah chin lengmang. Anmah he ruahnak a kalhmi, anmah a dotu hna le an ttihmi hna cu pakhat hnu pakhat in an aw-an phih khar piak an i zuam. President Trump i, facebook, twitter le President twitter account le election campaign a tuahnak account tiang in an phih piak. Republican, conservative aw-an vialte phih khar an timh.

Democrats pawl nih an control mi, Amazon, Apple le Google nih Conservative pawl nih an hmanmi Parley cu an phih piak hoi hna. Parler cu 2018 in conservative pawl nih hman hram an rak thawkmi social media pakhat a si. Democrats pawl nih mah bantuk thil an tuahmih hi President Trump an ttih tuk ruang le a kan tei lai ti an phan caah si dawh bik a si. Source: Salai Lairamthang

___

Copyright © Chin World News Evening