Joe Biden a hun cawlcang taktak cang, rianṭuantu ding pawl zong a hun taar cang hna

World News

November ni 3 America rampi i thimnak ah atu tiang rih ahcun a dirhmun zoh in le a vote hmuhmi zoh in mipi President ah a tling lai tiah ruahmi Joe Biden a si. Atu tiang a dirhmun rih ahcun hnangam ngai a sirih!

AP source: US agency allows formal Biden transition to begin

Joe Biden nih cun ahlan i a chim cia bangin a ralaimi Acozah rianṭuannak dingah bawmtu ding ram palai hna le Security nominee min pawl a von taarlangh taktak cang. Biatak tein rianṭuan ai tim cang ti a hung fiang ngai.

Joe Biden 2020: Polls, news and on the issues

1. Secretary of state caah Antony Blinken cu nominate (taar) a si i, amah hi cu hlan ah Dy. Secretary a rak cangmi a si. 2. John Kerry cu special presidential envoy for climate caah taar (nominate) a si i, amah hi cu hlanah secretary of state a rak ṭuan cangmi a si. Climate change hi national security caah zeitluk in dah abiapit le aherh timi Biden nih a hun langhter ngai.

3. Alejandro Mayorkas cu a rak ṭuan cang nak Homeland security Department i Dy. Secretary ah um ter ṭhan dingin taar (nominate) a si. 4. Linda Thomas-Greenfield cu U.N Ambassador caah taar a s i amah hi African-American mi cawhpolh a si.

5. Avril Haines cu CIA (Central Intelligence Agency) Director caah taar (nominate) a si i, amah hi cu hlan ah CIA Dy. Director a rak ṭuan bal cangmi a si. Jake Sullivan hi National security Advisor caah ruahchih a si.

Joe Biden nih a luan cangmi kum 4 i Trump a rianṭuan ṭi hawi ṭhing hna khomhsuat dih i timh dawhdang a si. Secretary of State caah taarmi (nominate) Antony Blinken hi President ṭhing Bill Clinton he rianṭuan ṭi cangmi a si i i Barack Obama chan lio Vice President a rak ṭuan lio zongah Dy. Secretary le National Security Advisor a rak ṭuan bal cangmi a si i bochan ngaimi a si.

Thil sining von cuan tikah, Trump nih a luan cia kum 4 i a rak hmanmi hna minung le a rianṭuan ṭi ṭhing pawl cu Biden nih biatak tein hman hna a timh hna ti a hung lang ngaingai. Biatak tein cawlcangh taktak ahun i tim cang. Source VOA (TP)

BBC News: President Trump Nih A Lung Thumh Ruangmang Ve Cang. US President a si liomi Trump hi mawhchiat thlu ding cu silo, ai zumh rih caah a sunghmi a cohlanlo si i atu cu cohlan dawh in bbc nih cun an chim ko cang hih. A tawinak tein ka tial i ka ruat thiam u.

President a tuan liomi Trump nih a zuam cawhtu Biden cu US president sidingin a cohlan cang tiah BBC news nih thawngthanhnak an van tuah. President trump nih a hramthok ahcun Biden nih aa ka tei timi a chim duhlo, votes hrokhrol tamtuk a um tiah a phunphin in bia a chim.

Trump lei tang zong nih a lamkip in trump teitu a si i US president a peh khawhnak hnga caah votes relrhannak tiang zong an tawlrel ve sek ko. Asinain a dongh tiang rel a hung si zongah BiDen nih a tei caah President trump zong nih a lung a thumh ruangmang ve cang timi theih khawh a si. US State Senator a tuan thingmi Alexander zong nih a chimmi cu Trump nih hi teitu cungah a rian a khinh i Teitu a simi Biden nih US Ram caah a tuan laimi hi a bomh ding si tiah a chim.

Trump nih teitu a simi Biden cu President sinak a hlanh cang lai tiah theih si, cu lawng siloin a ra laimi kum 2021 Jen.20 in Biden nih US president sinakin rian a thok ve cang lai tiah theih si. Trump zong hi cu hlan i ai chanmi kongah mawh phurh awk hrim thalo, ho poh nih teitu si le rsm uktu si cu kan duh cio ko lai. Pasal ai zuam ve i hi cu a sitilo tiah a ruah caah Biden nih a teinak a cohlan ve ko i soisel tuk le mawhchiat tuk ding silo a cohlan cangmi ah lomhpi tuding a si ko.

Note: Phone si caah tial palhmi um cun ka theithiam hram u law thazaang ka pe peng ko u law tiah kan nawl hna. The Thantlang Post Network

Leave a Reply