(22 July,2019) Syria,Jisr Al-Shughur, Al-Yaqoubiyeh khua i Khrihfa asimi nu kum 60 minung gardener le Arabic teacher a min Suzan Der Kirkour cu Jesuh Khrih hlawt ding le kal taak dingin an ti, nain Jesuh Khrih a hlawt duh lo ruangah lungin thi lakin den/cheh asi tiah tiah The British-based Syrian Observatory for Human Rights nih a chim i, christianheadlines.com ah a langhter.

Hiti bantuk thawngpang kan theih hi cu kamkhat leiin cun theih anuamh lo pinah ngaih a chia i lung a fak kho taktak. Nain kamkhat leiin ruah tthan ahcun anunning i cawn ding le i lakding tampi a um. Zeitluk in dah an zumhnak a feh a tthawn ti le a zumhmi a biakmi Pathian a fian ti alang taktak. Khrih caah tehte ttha taktak asi. A caah an thi ngam i a caah an nunnak tiang an pek ngam.

Kannih zong a thar in kan nunak i zoh tthan usih! kan zumhmi le kan biakmi i fiang hna usih. Jesuh Khrih hlawt duh lo ruangah a nunnak a liammi Gardener le Arabic sayamah nu Suzan Der Kirkour an temtuarnak Bawipa nih theihpiak ko hna seh! MWN