Japan Pirme Minister Shinzo Abe nih, Japan hi a har bikmi caan chung ah kan um cuahmah lio caan a si. Cu bantuk in a har bikmi caan cu kan ton cuahmah lio a si caah state emergency hi a herh bakmi a si. A herhning in state emergency kan kalpi ko rih lai. Minung pakhat le pakhat i chawnhbiak le i pehtlaih zong a si khawhchung in kan tlawmter a hau.

A ra laimi April thla dongh in May thla thokka tiang ah tuah dingmi dinh caan Golden Week holidays hna zong ah chungkhar nu le pa sin ah kallo in um a hau. Online tu in pakhat le pakhat i pehtlaih hi a tu lio caan ah cun a him bikmi a si ko tiah a chim.

Nizan cacawn nithumni i a cozahpi khuakhan lairelnak an ngeih lio ah PM Abe nih hin state emergency tuah le ngol kong hi cu a herhning in kan tuaktaan ko hna lai. A tu cu a har bikmi caan chung ah kan um rih lio caan a si rih. Japan mipi hna nan ziaza ṭha kha chuah ṭhan in ruahchannakthar ngeih khawh i zuam ṭhan ko rih u. Cu hlan bantuk in hmunkhat ah rian kan ṭuan rih hna lai. 

Khat le khat i pehtlaih le i chawnhpiak cu za ah sawmriat (80%) cu kan ṭhumh rih an hau ko tiah a chim. PM Abe nih state emergency Tokyo, Osaka le hmundang panga hna ah state emergency a thanhnak zarhhnih a liam cang. Cu hnu ah April 16 ah khan rammi dihlak sin ah yen 100,000 ($930) cio peek ding in a kamh hna. State of emergency chung ah hin rian ṭuantu governors pawl cu COVID-19 dohnak ah nawlngeihnak zong tamdeuh peek an si.

Rammi hna cu leng chuaklo le inn ah i erh ding in thanh an si. Hi chung ah hin chawlehthalnak le a dangdang hna zong an i tel chih dih. Cacawn nithumni ah khan zawtnak a ngeimi mithar 450 bak an hmuhchuah ṭhan hna. State of Emergency hi a ra laimi May ni 6 tiang khi thanh a si. A tu tiang ah ramchung ah coronavirus a ngei tiah theihkhawhtawk hi minung 11,512 an tling cang. Cu chung ah minung 281 nih an thihpi cang i minung 1,356 hna cu an dam ṭhan cang ti a si. Ref: KYODO NEWS

Note: Chinworldnewsvening nih thawngpang kan ṭialmi hi kanmah nih kan phuahcawpmi kan ṭialmi a si lo. Reference/Credit/Source ṭha tein kan pek peng lai. Cucaah thawngpang kan ṭialmi kan palhnak a um cun theihter khawh peng kan si. Chinworldnewsevaning page ah pehtlaih khawh peng kan si. Mipi sinah thawngpang thlazamh na duhmi um cun kan i thlahzamh khawh piak peng hna. Pumpak cahmaita kan tarchinmi dah lo Copy&Paste kan tuahpiak hram hlah uh!