Israel Nih Trump Cung An Lungput Cu Nihin Bak Ah A Lang Cang

World News

Israel Leiin Zeihmanh A Um Rih Lo: Vawleicung hruaitu zeimawzat nih an conglawmh lio hna ah Isreal leiin Prime Minister a siah President a siah a dangdang upa an siah conglawmhnak an chim rih lo. PM Netanyahu cu “official result” a hngak rih an ti. Media thawngthanh lawng cu a cohlaang kho rih rua lo. Obama chan ah an rak tuahto ning hna kha an philh kho rih lem lai lo.

Cricket Junkies Have Trump Vs Biden All Figured Out: Run Rate, Asking Rate | WorldNih

December 14 ah President thimtu ding hna State aiawh (electors) hna cu anmah state cio ah vote an thla lai. An thlakmi vote hna cu Congress ah an kuat lai i, January 6 ah Congress ah an rel lai. 270 a tlingmi kha Official tein US President ah cohlan le thawngthanh si te lai. Zumhtlak lo thimtu (faithless elector) an um tawn i, thil sining zong aa thleng khomi a si. Cu hlan ah aa thlengmi cu a um bal lo nain tutan hi zeidek a lawh te lai.

Joe Biden le Kamala Haris teinak biachim ka ngai i, an mithmai ah teinak ka hmuhpiak kho hna lo. An biachim cu a tha ko nain hrokhrol teinak bantukin ka hmuhpiak hna. Nikhat ni leiin Pre.Trump nih zeidah a tuah lai ti kan hngak cio hna. By. Luther Tin Hre

Relchih: 𝐊𝐚𝐧 𝐂𝐡𝐢𝐧 𝐦𝐢𝐩𝐡𝐮𝐧 𝐝𝐢𝐡 𝐥𝐚𝐤 𝐭𝐡𝐥𝐚𝐜𝐚𝐦 𝐡𝐧𝐚 𝐮𝐡 𝐬𝐢𝐡! Tuchun hi Kawlram pi thimnak ni a si. Kan ram hmailei a kal chin khawh thluahmah nak hnga Khrihfa mi paoh nih fak piin thla kan cam rih a hau. Kan biak Pathian hi zei tik hmanh ah ai hngilh bal lo. Kum 50 leng hruaitu tha lo nih Kawlram pi a kan hrawh dih i ram mi pi nih kan tuarnak aw le kan thlacam nak hna cu Pathian nih a kan theih piak i mipi hmang in mipi duh mi NLD Cozah zong 2015 ah thim an si.

Tutan zong kan biak Pathian nih kawlram pumpi caah a tha bik lai a ti mi hruaitu le Cozah zong kan thim piak hram ko seh. Pathian nih a thim lo mi hna zong hruaitu cu chuah khawh a si. Cu bantuk minung pawl nih ram an hruai tikah cu hna ram cu muihnak in a khat theo. Sihmanhsehlaw, Pathian nih a thim mi a minung hna nih ram an hruai tik hna ah cu hna ram cu thanchonak lei in hmai ah an kal i an ram ah dawtnak a leng theo.

Kawlram chungah a sifak bik miphun pakhat kan si cu zei ti tha. Izah pi awk a hau lo. Asinain, kum 100 leng Khrihfa a si cang mi nih zum lo tu hna nak hmanh in eihmuar le fir ah kan thawng deuh mi cu ning a zak i kan biak Pathian nih hnu chit tak mi miphun si a fawi te.

Cucaah, kawlram rampi hruaitu ca thla kan cam a herh bantuk in kan Chin ram ah miding mi fel hna nih hruaitu an chuah khawh chin lengmang nak hnga ca zong thlacam kan hau rih ko. Phungthlukbia 14:34 -(Miphun a lianhngantertu cu dinnak a si, sualnak cu zei miphun paoh caah ningzahnak a si) By Sang Hre

Leave a Reply