Israel Nih Syria Ram Iran Ralkap Hmun An Phomh Tthan, Iran Ralkap Pahnih Nunnak A Liam

World News

Israel Nih Syria Ram Iran Ralkap Hmun An Phomh Tthan, Iran Ralkap Pahnih Nunnak A Liam

Image result for Israel Air Force raltuknak F-16 fighters

Nihin zinglei ah khan Israel Air Force raltuknak F-16 fighters pahnih nih Lebanon ram leiin Syria ram i Hama khuapi Iran ralkap umnak a si tiah zumh bikmi cu missile hmangin an kah i, Iran ralkap minung pahnih an thih pin ah building zong tam ngai te a chia tiah theih a si.

Israeli Air Force raltuk vanlawng F-16 hna hi niam tein an zuang i Dahinyah pawng, Beirut thlanglei hoih in Hama hi an kah hi si, nain hi kongah Israel cu zei theih lo bantukin dai tein an um diam.

Image result for Israel Air Force raltuknak F-16 fighters

US President Trump nih cun Iran ralkap Islamic Revolutionary Guard Corps (IRGC) hna hi nai te ah khan ralhrang “Terrorist” phu ah a rak phun, Iran zong nih US Military Middle East Command Hqrs, US CENTCOM cu “terrorist organization” ah an phun colh ve. US le Iran nih hin an ralkap an i tleihpiak a si hmanh ah Prisoner of War (PoW) bantuk in an i ruahpiak ti lai lo caah ralkap i tlaihpiak ti bantuk cu ttihnung ngaimi pakhat bantuk a si cang lai. Iran nih hin a luancia kum 2 ah khan US Navy sailors 12 cu Straits of Hormuz pawngah a rak tlaihpiak bal cang hna.

Israel nih Syria ram i Iran military an um mi hi a duh lotuk tikah midang zoh loin a herh a ti caan apoh ahcun a kah peng ve hna. Kan hnuzerh zongah khan Sheikh Najjar Industrial Zone, Halab hmun i a um mi Iran ralkap zohkhenh mi ah ruah mi cu an rak kah fawn cang, Hi kongah Al-Maysad Center for Human Rights, London base nih cun Iran ralkap minung 7 an thi tiin an chim lio ah Israel nih cun hi kongah zeihmanh an chim mi a um lo.

Leave a Reply