Israel MP Benjamin Netanyahu Biachim Ning Cu A Maktuk Cang

World News

Israel MP Benjamin Netanyahu Biachim Ning Cu A Maktuk Cang: Israel PM Benjamin Netanyahu cu The Jerusalem Post palai nih biaruahnak an ngaih i, March 2 i Knesset thimnak tuah tthan si lai i, keimah nih ka hruaimi Likud party hna nih cozah kan ser khawh lo ahcun thimnak a voilinak tuah tthan si lai tiin a chim. Amah dohtu party Blue and White party Gen. Benny Gantz le Yair Lapid hruaimi nih hin seat 50-52 pin an ngei kho lo,”tiah a chim.

Image result for pm benjamin netanyahu

Knesset ah seat 120 a um i, cozah dirh khawhnak ding ahcun a tlawmbik seats 61 tal hi ngaih a hau. Netanyahu nih a chim tthan mi cu President Trump nih a tuah cang mi”Middle East Plan” cu US thimnak ah Democratic an si ah Republicans le zeibantuk nih teinak an hmuh zongah President Trump nih Middle East Plan a tuahmi cu keimah nih ka hlawhtlinter tthiamtthiam lai,”tiah a chim.

Image result for iran president

Peace Plan bantukin Map kan siam mi a dih hnu ahcun hlawhtling dingin rianhma kan ttuan cang lai. Tutan thimnak ah teinak ka hmuh tthan ahcun. US nih ruahmannak a ngaihmi thil sining dikmi nih lih le hrokhrol in phuahchom mi hngahnak (falsehood base) cu hrawh dih si lai. Hi bantuk thil hi a cang maw? a cang tthan lengmang mi si,”tiah a chim chih.

Iran kongah a chim rihmi cu Prime Minister ka si ahcun Iran nih nuclear bomb (nukes) hi a ngei kho lai lo, tiin ralttha taktak cun a chim fawn. Netanyahu nih hin Iran nuclear sernak tiah lunghrinhmi paoh cu F-35 hmangin bomb le hrawh dih a duh pengmi asi. Cun, Benny Gantz le Yair Lapid party hna cu Iran lak ahcun nunau bantukin a ruahmi party an si. Cu pinah Benny Gantz nih hin Arab minung Ayman Odeh, Ahmed Tibi le Arab Joint List hna tel loin cozah a ser kho fawn lo.

Leave a Reply