Israel Le Syria An I Kap, Hi Kongah Prime Minister Benjamin Netanyahu Nih Thanhnak A Tuah Colh

World News

Israel Le Syria An I Kap, Hi Kongah Prime Minister Benjamin Netanyahu Nih Thanhnak A Tuah Colh

Image may contain: sky and outdoor

Israel le Syria cu Syria ram, Golan Heights hmun i Quneitra province ah an i kap. Hi kong hi kaphnih Syrian state news le Israel military nih thanhnak an tuah ve ve”tiin Al Jazeera nih cun a langhter, Israel nih rocket hmangin an kah hmasa i ralkap pakhat nunnak a liam pinah hliamtuar dang an tam,”tiah langhter chih a si.

Image result for israel

Syrian news agency SANA nih cun Quneitra hmun i Tel al-Shaar cu Israel nih missile in an rak kah i, ralkap motor zong an kah chih pinah Syrian ralkap hliamtuar an tam tiin a langhter. Israel ralkap lei zong nih nizan ah an i kahnak kong hi social media an langhter ve i, Syria nih rocket-in Israel fighter jet a kah ruangah lehrulnak a si tiah an chim ve. Syria nih a kahmi Israel fighter hi an kah nganh caah him tein Israel a phak hnu ah a rak kaptu rocket kan kah ve nak a si,”tiah an chim ve.

Image may contain: cloud, sky and outdoor

Israel nih Syrian state-owned television channel Al Ekhbariya a langhtermi Syrian ralkap pakhat kah a sinak le midang nih hliam an tuar nak kong an langhter hnu ah Israel nih an lakmi ram Golan Heights humhimnak caah a cawlcang mi an sinak cu an chim ve. Hi kongah Israel Prime Minister Benjamin Netanyahu zong nih nizan ah video hmang in an policy an i fiannak kong le Israel dohtu vialte hi faktuk in lehrulnak pek an dih lonak chim in leh lo awk ttha lo mi tu kan leh hna,”tiah a chim.

Syrian ah hin Iran ralkap le Lebanese armed and political group, Syria President Bashar al-Assad dirpi tu Hezbollah hna hi Israel nih a rem lomi hna an si i, atu Iran le US ruangah an karlak chiatlei a phanhnak zong a si kho mi a si. Prime Minister Benjamin Netanyahu nih a chim mi video statement

Leave a Reply