Anun bu in tlaih khawh an i tim ko nain, a mah le mah bomh in ai den. A fa le 3 lungkua ah ai luhpi hna hnu ah bomh in ai puah hnawh. Abu bakr Al-Baghdadi ISIS ralhrang hruaitu cu kan nawn khawh cang tiah US president nih tuzing ah a thanh. Abu Bakr hi Iraq ram ah a rak chuak. Islamist studies in Doctorate degree ahmumi a si. ‘Biaknak lei Doctorate degree tiang lak hna hi an rak ttihnung ve mu!

ISIS ralhrang thalo a sertu le a hruaitu si tiah zumh a si. Mah hi ralhrang hotu pa hi, Islam biaknak lei degree sang a neimi scholar le cachimtu arak si i, US nih Iraq a tuk hnu kha tapung thawh ah a rak inthawh ve. US nih an rak tlaih i 2009 kum ah thongin in a rak chuah hnu ah ISIS hi a ser. $25 Million in a lu tar a si. US ram caah teinak ngan ngai a si.

Nizan an mah lei Sunday zinglei, Washington DC ah Zarhte zan 5pm hrawng ah President nih nawl a pek hna bantuk in Erbil, Iraq ah um mi comando ralkap hna cu USA ralkap helicopter Chinook CH-47 he an zuang. Syria ram chaklei khuate pakhat ah a si. A umnak fiang in an hliahnak hi naite ah khan hipa i a nupi thing kha an tlaih khawh i cu tin tutan hi an hliah.

US Delta Force commando hna cu Syria ram ah thli in chopper in an luh tik ah ttih a nung ngai. Syria nih rocket in rak den khawh an si. Minute 70 chung Syria ramcung an an lut mithalo pa umnak hauhruang kam ah an ttum i, hauhruang cu bom in an den, cun Iraqi holh a thiam mi nih hngakchia poh poh chuah dih dingin an au hmasa. Cun ralkap commando Uico tum pawl cu an thlah hna. Mi tha lo pa nih ai dupnak lungkua ah hngakchia cu ai luhpi hna i, suicide bomh in amah tein ai den. A ruak cu uico nih an hei hnuh. Ref: Salai Biak