Iran nih an scientist Mohsen Fakhrizadeh athattu siseh an thahning cang an phuan cang. Iran nuclear scientist Fakhrizadeh thattuk cu Israel le Opposition Group ramdang aummi hna nih remote control hriamnam hmangin an thah tiah an phuan. Hi konghe pehtlaiin Security Chief Ali Shamkhani nih atanglei bantukin a chim.

Scientist Mohsen Fakhrizadeh thahnak dingah hin electoronic thilri an hman tiah a chim. Mohsen Fakhrizadeh cu Tehran khuapi leng ah motor an cuan lion ah kahthah asi. Tuan deuh zongah Iran nih an scientist thahnak ah pehtlaihnak angeimi cu Israel an si tiah an rak puh cang hna. Asinain tuni tiangah Israel nih cun kanmah thahmi asi tiah an chim rih lo.

Tutan ah an thahmi Mohsen Fakhrizadeh hi kum 2000 hrawngin Iran Nuclear programme ah abiapi taktak mi pakhat ka si. Athihnak hmun konghi an chimmi avun i dang deuh ngai cang. Tuan deuh ahcun Absard khua ah a motor cu meithal in an kah tiah an rak ti. Cun amotor pawngah Nissan pickup cu apuak tiah rak chim asi.

Hi konghe pehtlaiin tuan deuh ah Iran Defence ministry nih atimi cu Mohen Fakhrizadeh a vengtu hna le meithal aa putmi hna cu an i kap tiah arak chim. Cun hi kahnak ah hin ralhrang minung pahum hrawng hna kahthah an si tiah an rak ti bak. Cu hnu ah Iran thawngzamhnak hna nih cun Mohsen cu remote control machine gun asiloah satelite hmangin controlmi hriamnam in kahthah asi tiah an chim tthan.

Supreme National Security Council lutlai Rear Admiral Shamkhani nih achimmi cu remote hmangin tukdoh asi i, Electonic thilri phundang ngaimi asimi in an tukdoh i, hi thahnak hmun le hma ah hin ahohmanh hmuh dingmi an um lo tiah a rak chim ve. Iran thiamsang hna nih thah asi lainak kong hi an rak chim chung cang tiah an langhter tthan.

Ahote dah athattu asi timi ah an chimmi cu Iranian opposition group nih an tthawlchuahmi Mujahideen-e-khalq le Israel an si tiah an chim. Mohsen Fakhrizadeh thattu hi kan thei bak lo tiah Israel Intelligence Minister, Eli Cohen nih biahalnak an tuah lio ah a chim ve. Iran scientist ruak humh lio ah Defence Minister General Amir Hatami nih atimi cu lehrulhnak kan cham lai tiah a chim.Kan ral hna zong nih an theih dihmi asi, ralkap ka si bangin hibantuk cawlcanghnak hi cu Iran mipi hna nih lehrulhnak tuah loin an um lai lo tiah an chim.