Iran Nih Iraq Um US Ralkap Hmun An Kah Mi Ruangah US Ralkap Cung A Cang Mi Cu Khuaruahhar Taktak Si: Nizan ah Pentagon biachimtu Jonathan Hoffman nih a chimnak ahcun Iran-nih Iraq ramchung um US military air base Ain al-Assad, ballistic missiles 10 lengin an kah ruangah ka hmun i um US ralkap minung 34 hna nih thluak (traumatic brain injury) lei ah harsatnak an ngei i, Germany ah zohkhenh an si. An lak ah minung 17 tu cu dam in Iraq ah duty dingin an kir than cang nain a dang minung 8 belte cu Germany in US ah tlunpi in Walter Reed Medical Center ah zohkhenh an si,’tiah a chim.

US ralkap hna nih President Donald Trump nawl peknak in Iran General mifim le minthang, Iran ah No.2 tiah an auh mi Quds Forces hruaitu Gen. Qassam Soleimani cu Jan 3 ah Bahdad International airport ah drone strikes hmangin an kah/thah ruangah Iran nih phuhlam in Ain al-Assad a US air base cu a kah colh ve. Asinain US ralkap nunnak a liam mi an um hraw lo.

Iran nih Jan 8 zinglei i Ain al-Assad air base an kah lei ah khan i venghim dingin an chim hmasa hna ruangah atu bantukin nunak a liam mi le hliamtuar an um lo hi si. Iran nih a chimh hna bantukin US pawl hi underground bunker hna i hrawm in tampi an rak i tthial kam manh dih. Cucaah Iran nih a kah lio ah khan an him bawmnak a ruang bik cu si.