BREAKING NEWS: Top Stories Iran ram ah minung 176 a phurmi Ukraine vanlawng “Boeing 737-800” a tla i ai citmi vialte an thi dih. Ukraine vanlawng hi Iran ram Imam Khomeini International Airport in 6:12am ah a chuak-zuang i minute 10 a zuan hnu ah a tla colh ti a si.

Tuan deuh ahcun, engine rawh-ṭhat lo ruang ah si tiah statement an chuah nain an let ṭhan. A tlaknak a ruang an hlat ṭhan lio a si. A thimi lak ah Iran rammi an tam cem i 82 an si. A changtu ah Canada an si i 63, Ukraine 11, Swedes 10, Afhgans 4, Britons 3, German 3, le Crew 9 an i tel. Iran cozah nih a thimi chung ah 147 hi Iran rammi an si an ti. Cucaah, Iran le ramdang “dual-citizen” a simi hi 65 an i tel ti nak a si.

Ukraine vanlawng a tlaak hi Iran nih Iraq ram chung US ralkap pawl umnak hmun hnih, Ballistic missile zun 15 in an kah hnu suimilam 2 hnu ah a si. Ram tam ngai nih Iran ram chung ah vanlawng zuanter lo ding in biakhiahnak an tuah. A cheu cu lam dang i zuang ding in an chimh hna. Iran ram hi ton lo le ton lo ton chin lengmang te dawh an si.

US ralkap hmun an kah lio le vanlawng a tlaak lio hrawng ah hin Nuclear an tuahnak pawng hrawng ah li “earthquakes” zong 4.9 faak in ai hnin ti an ti. A thimi le inn le lo a rawkmi cu a um rua lo. Atulio Boeing pawl an minchiat tuk lio i atu a van tlaak hoi cu an mit au lawng phing ko lai. Boeing cit ding zong thinphang in a um cang. Ref: The Chin Voce