Iran state TV nih “Operation Martyr Soleimani” timi min in Iraq ram chung ah a ummi US- airbases pahnih cu missiles in Iran nih a kah tiah a phuan. US official lei in Iraq nitlak lei ah a ummi al-Asad air base ah rockets 6 a tla nain hliam-tuar le rawhralmi kong theih a si rih lo” tiah an langhter ve.

Al-Sad airbases US ralkap chungkhar pawl umnak lawng siloin Iraq ralkap pawl zong an um tiah hngalh a si. Al-Asad air base hi a ngan taktakmi a si caah, zeibantuk zawn ciah ahdah rockets cu a tlak hnga timi hngalh a si rih lo. A dang pakhat cu, Iraqi Kurdistan umnak, Erbil ah a ummi a si i, CIA le Coalition phu, NATO? ralkap tbk an umnak a si.

Islamic Revolutionary Guards Corps nih “Kan hruaitu hna nih teirul kan cham hrim lai tiah an biatiam bantuk in teirul chamnak cu thawk a si cang” tiah an phuan ve cang. Iran ralbawi Soleimani a ruakumnak cu minung an tam tuk i, an ipahnak ah minung 50 an thi i, minung 200 renglo hriam an tuar tiah Iran State TV nih a chim. Zeibantuk thawng dah a von ichap lai? Zoh rih ko hna usih! Linsa chin lengmang dawh a si. Credit: Zasang Cinzah Page