Indonesia Zong Thinphang In An Um Cang Coronavirus Kong Ah Faak Taktak In Mipi Sinah Thawngthanhnak An Tuah Cang

Thawngpang

Salai Van||04 Vaupi 24-2020|| Kan theih bantuk in thihnak nih coronavirua hmang in vawleicung hmunkip ah a thla a zarh cuahmah peng ko rih. Cu chung ah Indonesia zong faak ngaingai in a phanh ve hna. Nizan cacawn nilini ah hi kong he pehtlai in in Indonesia cozah nih mipi sin ah faak taktak in mipi sin ah thawng an thanh tthan cang. An thanhning ah cun Indonesia ramchung luhchuahnak vanzuanglawng vialte le rili lawm vialte cu a ra laim June thla tiang phih dih an si lai tiah an chim.

Hi phihkhar caan chung hna hi Islamic nithlarelnak (calendar) ning in cun an caah a sunglawi bikmi le a thianghlim bik ni le thla caan hna an si. Hi ni le thla chung hna ah hin minung tampi a million in an chuahkhenhnak khua le ram panh in an tlunkal tawn lio caan a si. Cu ti cun chawdawr ah thil hna caw in chungkhar tling in nuamte in caan an rak hman tawn caan a si.

Indonesia confirms first death from coronavirus

Hi phihkharnak hi Intiernational lawng silo in ramchung khualtlawn hrimhrim zong an i tel chih dih. Ramchung chawlehthalnak zong khar chih dih an si nain a cheukhat tuahloawk a ttha lomi pawl lawng onh an si tiah Transportation Ministry aiawh biachimtu Adita Irawati nih AFP sin ah a chim.

Indonesia President Joko Widodo Leads in Early Vote Count ...

Ramchung vanzuanglawng a ngan bikbik Garuda le Lion Air hna zong phihkhar an si cang. A sinain Tilawng phihkharnak nih hin a tu ah cun minung million tampi harnak a peek hna lai. Rili khatlei kam in khatlei kam ah thil a thiartu tilawng pawl hna hi ramchung thil phurhtlunhnak ah a biapi taktakmi an si. A sinain a cozah nih an khualipi Jakarta telh in khuapi lian le a biapi deuhdeuh pawl hna i erh viar ding in a thanh cang hna. Cacawn nilini tiang ah khan Indonesia ramchung ah coronavirus confirmed cases hi 7,775 an tling cang. Cu chung ah minung 647 nih an thihpi cang ti a si. A sinain langh termi nak in zawtnak a ngeimi le a thimi hi an tam deuh lai tiah zumh a si rih. Ref: Mizzima

Note: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Cucaah thawngpang kan ṭialmi kan palhnak a um cun theihter khawh peng kan si. Chinworldnewsevening page ah pehtlaih khawh peng kan si. Mipi sinah thawngpang thlazamh na duhmi um cun kan i thlahzamh khawh piak ko.

Leave a Reply