Indonesia Cozah Nih French Ram Mi Thah Dingin Bia An Chahpiak

Theihtlei

Indonesia Cozah Nih French Ram Mi Thah Dingin Bia An Chahpiak

Image result for dorfin

Nikum September thla i Lombok, Indonesia ah drug kg 3 a suitcase in a phurtu French ram mi Felix Dorfin, kum 35 cu nizan ah khan Indonesian court thah dingin biachahnak an tuahpiak cang.Judge 3 thutnak court ah hin Dorfin nih hin thih tlak tiangin sualnak ngei ko, sinain amah dirpi tu (prosecutor) hna nih nawlnak tuah in kum 20 chung thongthlak ding le $700,000 liamter ding, cu i a pek khawh lo ahcun kumkhat chap in kum 21 thongtla dingin an chimpiak. Nain court nawlnak bia cu hnawl in atu bantukin bia an chahpiak hi si.

Felix Dorfin nih hin phunglam buar in drugs a rak luhpi caah thil ttha lo a tuah bantukin thah dingin biachahpiak si cang,”tiah presiding judge Isnurul Syamsul Arif nih court chungah thanhnak a tuah.Indonesia cozah nih hin tuan deuh zongah ramdang mi a thahmi hna hi an tampah cang.

kum 2015 lio ah khan Australian rammi pahnih, Andrew Chan le Myuran Sukumaran hna zong Bali Nine heroin gang hruaitu nan si tiah puh in Indonesian cozah nih an rak thah cang hna. Mah hna pahnih thahnak nih vawlei pi a hnih in a hninh i, Indoneasian cozah zong fak piin sual an rak phawt cio.

Felix Dorfin hi thong in a rak zam cang i, a zam khawhnak dingah phaisa hlawh in a bawmtu tiah ruahmi nu police officer pakhat zong tlaih colh a si. A hnu ah Lombok Island pawngah tlaih a si tthan. Hi bantukin court nih biachahnak a tuah mi kong he pehtlaiin amah lawyer nih cun nawlnak ‘appeal’ tuah an timhnak kong cu a chim ve.

Leave a Reply