Indianapolis Khuasa Laimi Hruaitu Cu An Lungrethei Ko That Lei Mithan Si Loin Chiat Lei Minthan Hi Cu US Mipi Hmaikhah Asi Lo

Indianapolis um Laimi Kan Roling Hoi: Inidianapolis khua ah rianngeitu police nih an chimmning ah Laimi nih meithal zuarnak dawr an bauh i meithal zuun 33 an fir tiah an zumh i, an Laimi hruaitu pawl khuaci an mui. A tanglei ah Chin Voice nih a tialmi rak rel te uh. Indianapolis khuasa Laimi hruaitu cu an lungre thei ko. That lei mithansi loin chiat lei minthan hi cu US mipi hmai khah a si lo.

Zahan Aug. 13, zanlei ah Chin Community of Indianapolis (CCI) nih naihrawng Indy i meithal kahnak a chuak pah lengmangmi kong he pehtlai in Emergency meeting an auh i Krifabu kip pastor le upa pawl minung 100 deng an chuak. Southport police 2 zong nih an telpi hna. Police nih zeidah an chim i zei kong dah an ceih.

Southport chief police 2 nih upa pawl an chimhmi hna cu; Meithal zuun 33 a firtu kha video record ningin cun Chin mino chung in an si ko ti zumh a si an ti. Firmi meithal hi zuun 6 cu police nih an tlaih khawh cang i meithal firmi a ngeitu minung 3 zong an tlaih chih hna an ti.

Meithal dawr an bauh hnu in meithal kahnak voi 6 a chuak cang i an kahmi hna hi Chin mino minung 4 an si an ti. A kaptu zong, kahmi zong gang bu i ai telmi an si kho men tiah an chim. Chin mino minung 4 nih an i monghmi mawṭaw ah meithal zuun khat, zuun 33 firmi chung si lo in, meithal dang hmuh le tlaih a si tiah an chim.

Chin mino a lemsoi (recruit) tu hna gang bu phun 3; Asian Boyz, Southside Crips, le Vice Lords hi an um an ti. Nulepa nih fale tlonlen ning le an hawi komhmi hna ngiat le hngalh i zuam cio ding a biapi tuk tiah ralrinnak zong an pek hna ti a si. Credit: Salai Lairamthang Facebook