India Zong Ah Zawtnak Lawng Si Lo In A Thimi Zong An Karh Chin Lengmang Cang

Thawngpang

Suimilam 24 chung ah minung 51 bak an thi cang. A tu tiang ah hi zawtnak ruang i a thimi hi minung 324 bak ah a kai cang ti a si. Zawtnak a ngei tiah theih kawh vial lawng hmanh hi minung 9,300 an phan cang. Hi kong he pehtlai in Prime Minister Narendra Modi nih ni 21 chung lockdown a rak thanhmi cu thaizing ah hin a tling cang la. Thaizing zinglei suimilam 10 ah khin lockdown hi peh tthan a si lai maw silai lo dah timi a thanh tthan lai.

Coronavirus case count in India by state | Coronavirus India cases

Caan karlak ah PM Modi nih state tampi hna cu lockdown hi peh ding in a fial hna. Minister pawl le PM Modi a hnu bik meeting an ngeih lio ah a chimmi cu lockdown hi sauh a si te ko lai nain a herhmi chaw lehthalnak le cawlcanghnak hna zong kan ruah chih a herhmi a si tiah a chim.

A cung ah kan langhter cangmi he pehtlai in hi zawtnak a ngeimi a zualhmami hi minung 7,987 an si. Cu lio ah hi zawtnak in a dam tthan cang timi hna hi minung 856 hrawng lawng an si rih. Tu zanlai 7:16 pm (IST) i an thanh tthanmi cu Punjab ah police bawi telh in minung 6 bak positive an si tiah hmuhchuah an si tiah an thanh. Punjab state ah hin zawtnak a ngeimi minung 176 an tling cang tiah nawlngeitu hna nih an thanh. Ref: India Today

Leave a Reply