India Ram Caah Thawngchia Taktak: ISIS Ralhrang Nih India Ram Hmun Pakhat An Uknak Thawng An Thannh Cang

World News

India Ram Caah Thawngchia Taktak: ISIS Ralhrang Nih India Ram Hmun Pakhat An Uknak Thawng An Thannh Cang

Image result for isis

India ram caah thawngpang chia ngaingai pakhat a chuak tthan. Nizan cacawn nirukni i India ralkap hna le le Islamic State ralhrang pawl i kahnak a chuak i, mah dohnak ahhin ISIS an hruaitu pakhat, Ishfaq Ahmad Sofi kan thah khawh tiah India ralkap nih thawngthanhnak zong an tuah.

Mah hnu tlawmpal ah Islamic State ralhrang hna nih India ramchung pakhat ah hmun hma kan ngei cang,”tiah thawngthanhnak an tuah colh ve.

India ramchung i Islamic State ralhrang hna nih an lakmi ram cu a min ah Arabic min, ‘Wilayah of Hind’ (India Province) tiin min an pek tiah anmah thawngthanhnak Amaq News Agency ah thanhnak an tuah ve.

Image result for isis

Kashmir senior police officer pawl nih atu bantukin Islamic State ralhrang hna nih thanhnak an tuahmi hi kan pom kho hrim lo, (reject) thanhnak an tuah colh ve. Hi nih hin India ramchung ah buainak biatak tein a chuahpi te lai,”tiin zumh le ruah cio a si.

Hi bantukin ram pakhat ah anmah nih uk mi ram an ngaihmi hi IS hruaitu bik ber Abu Bakr al-Baghdadi duh ning a si i, Iraq le Syria hrawng self-styled-i ‘caliphate’ an uk bantuk lio i an phuan ning le atutan an phuan ning hi a khat mi a si. Ref: India Today

Note: Islamic State ralhrang nih hin India hmun an uknak hmun le hma belte cu langhter chih a si lo.

Leave a Reply