India ram ah khuaruahhar thil tete theih ding a tam chin lengmang i ruah awk tampi a um. A tam u cu khuate lei deuh ahhin a cang tawn. India ram khua pakhat ah Babita Ahirwar le Jaswant Singh nupa hna nih an fa hmasa bik a chuah lai cu an i ngaih i an i nuam taktak. Asinan an fate a hung chuah taktak cu ruah lo tukin an fa cungah thil a cangmi cu an hmuh tikah an khuaruahhar, an lau i an ngaih a chia ngaingai.

November 23 ahkhan Babita Ahirwar (kum 21) nih via C-section in nau a ngeih i, a fa a ngeihmi cu khuaruahhar tukin a hung chuak siibawite zong an khuaruahhar a taktak. Babita Ahirwar (kum 21) nu a hrinmi fate cu lu 2 le ban 3 ngei in a rak chuak. Taksa a pehmi cheukhat cu an (operation tuah in an thlawpbul) khawh ko nain Babita Ahirwar a fate tu hi cu a Organs dangdang a lung (heart) bantuk tiangin a peh dih ruangah vun hlai ding ah cun ruahchannak a um lo.

Naute a chuahnak i siibawite nih tuhlan ah hibantuk thil i an ton bal lo ruangah siibawi dang tiang ruahnak an hal hna i an sawm hna. Hibantukin ngakchia a chuak sualmi hi tribrachius parapagus tiah an auh hna. Hlai ngam (surgery) tuah asi lai maw ti cu a theih khawh asi rih lo.

Jaswant Sing te nupa a um tharmi an si i, fa an ngeih lo. Atu an ngeihmi hi an hmasa bik cu ding cu asi. An fate a chuah lai cu an i ngaih taktak. Sii sayamah nu (Nurse) nu nih kan sinah cu a vun put i faphir ah kan ruah, asinain a tuamnak Towel a vun hun i ka hmasa bik ka hmuh cu ka celh hrim lo. Kan dihlak in pumtlang tein chuah seh ti cu kan duh i, asinain a si kho lo” tiah naute a nu Babita Ahirwar nih cun ngaihchia bu tein a chim. Source:MailOnline