Aril 5 zaan tuzan ah nan mah le nan inka a silo le nan hleihlak zawn cio in minute 9 chung coronavirus dohnak ah mei nan van dih cio lai. Meilul, torch, nan phone tibantuk kha nan rak vaan cio hna lai. Cu bantuk in mi pakhat cio nih rak tuahnak in hi raal hi kan doh rih hna lai. Cu ti cun hmunkhat te ah raal kan dohnak kan langhter lai.

Thil pakhat nawl kan duhmi hna cu hi bantuk in thil kan tuah tik ah a ho hmanh hmunkhat ah umlo ding a si lai. A ho hmanh zalam ah le pawngkam ah chuak in nan cawlcang lai lo. Nan mah le nan inn innka le hleihlak cio hna in nan tuah hna lai. Ram pumpi lockdown cu nihin hin nikua a tling cang. Hi caan chung ah ram mipi hna nih nawl ngaite in le zohchunhtlak in nan ummi cung ah kai lawm hringhren.

A ho paoh nih mipi midang he i hlat nan i zuam dih lai. Zei bantuk caan le ruang hmanh ah mipi hmunkhat ah umlo ding nan i zuam lai. Cucu hi coronavirus dohnak thazaang le damnak sii tthabik cu a si ko.Kan hnu March 22 ah coronavirus dohnak ding caah tiin nan cawlcangh ciomi cung ah kai lawm hringhren. Hi bantuk in vawlei kan minung hawi dang zonh nih an tuah ciomi cu a si.

Inn ah mahlawng in a ummi minung tampi nih zeitin dah kan mah lawng in hi coronavirus hi kan doh khawh lai tiah nan ruah khawh men. A sinain nanmah lawng nan si hrimhrim lo. Nan minung hawi mnung 130 crore hna nih tuah ciomi a si. Hi thil nih hin vawlei mipi vialte hmunkhat ah rian ttuannak thinlung a kan ngeihter.

Cu kan i tinh ciomi teinak phanh khawh ding ah rianrang in calcangh cio le kan mah le kan ttuanvo a si ciomi rak tuah le ttuan cio a herh. Ka dawtmi ka ram mipi hawi hna hi coronavirus nih a chuah pimi thinphan thlalaunak hi kan tei i hmai kan nawr khawhnak hnga le ceunak chung ah kan luh khawhnak hnga hmunkhat te ah kan thazaang kan chuah cio a herh tiah ram mipi sin ah a thanh. Ref: Times of India