ICJ Biaceihnak Le Thawngthanh Mi Ruangah Kawlram Ah A Cang Kho Mi Pakhat
ICJ Thanhca le Biaceihnak Pinlei ah Kawlram ah acang Kho mi Pakhat: ICJ nih Taza cuainak nawl a umlo tiah Biaceih asi ahcun ICJ ahcun a dih cang. Sihmansehlaw Argentina le ICC ah tazacuai rih asi lai. A tu kanluat hmanh ah adang ah Kan luat khawh ti lailo. Khanhawt le khandum in an kan kulh dih cang.
ICJ nih Taza cuainak nawl aum tiah Biaceih asi ahcun sunghram kan thawk cang. Provisonal Measure timi Lakhruak Lairel nak cu Tazacuai nak nawl Kan pe uh ti kha asi bik. Cozah le Ralkap nih Genocide timi Cihhmih nak le cawlcang nak tuah hrim tilo ding. Ngol bak ding ti kha asi. Tlangcung Ralkap hna zong an tel chih ve. Tehte asi mi thilri le hmunhma hna hrawkin vaivuan ter lo ding. Abiapi bik mi Genocide buarnak le Lukhawng pek ding cu ahnu ah asi te lai. Caan rau rih ding mi asi. ICJ nih biaceih khawh asi ati bakin Rampi limhang arawk cikcek lai.
Kawlram nih ka duh lo tiah ati ahcun ICC a ap lai. ICC ah a duh ṭhan lo ahcun UN (Huhim tu Khonsil) Secretary Council ah a ap lai. Kawlram nih bawmhtu ram angei ahcun Veto in hnawn khawh asi. Veto in an hrawk bakin phihkar nak an tuah colh lai. UN nawl ngaih loin phihkarmi hi ram tampi an um ve ko nain annih cu anrum, anfim caah an intuar khawh.
Kannih Kawlram cu sifah retheih nak lei tu ah kan panh chin chin lai. Sipuazi, Fimthiam nak, Nunphung le azeilei paoh paoh ah hawi hnu ah kan um cang lai. ICJ voikhat ankal ah USD 10.6 millions adih colh. Kawlram fimthiam nak lei hman ding in NLD cozah nih UN sin ah acuai mi hmanh hi USD 10 million lawng asi. A cham rih lo cu. Gambia cu Chuncaw USD 90 Million aarawn cang. Kawlram cu Misual kan si caah tlawmbik USD 100 million cu adih men lai.
ICJ Biaceihnak a cohlan lo bakin a tlung dingmi Tuksapur hna: Ral he aaciah zungzal mi ram kansi cang lai. AA le ARSA zong nih canṭha lakin an hrang deuh kho. Rakhine ram chaklei cu AA le ARSA ram asi lai I Rakhine ram thlanglei cu Cozah Ralkap hna hmunhma tiah hmuh hnih ah aa ṭhen kho. Rakhine ram ahcun Zungzal ralhmun asi cang lai.
Tlangcung hriamtlai phun zong ṭhawnchin le thazang lak chin in an cawlcang lai caah Remdaih nak hmuh ahar tuk cang lai. Civil war hi daihnak a um lai tiah chim ahar ngai cang lai. ICJ nih Biachahnak ngeih hnu Ni 40 ah thawng thanh ṭhan ding. Ni 40 Chung ah bialehnak zeihmanh aumlo ahcun ICJ nih a rian kha pehzulh tein a ṭuan kolai. Zeidah cang te hnga? Hngakcio ko Sih. Hodah aatei ti cu canrau loah kan theih te ko lai. Saya Rung Kaw
RFA RADIO LAIHOLH 🎄🎄🎄🎄🎄🎄🎄🎄🎄Chinram khua pi hna ah duhnak langhtermi. Justice timi Dingthlu lairel nak lei tanhlo Ni. Cozah riantuan mi hna le Siang ngak chia hna kha Ngarawl ah hman Ni. Kum 70 Sal kansinak cimrih lo Ni. Nuhrin covo le Genocide kan buar ve Ni. Federal Democracy Kan I fian lo Ni. UN SPH zungpi duhning in kan nung lo Ni. Ramthumnak kan um nak le Kan si Tthat nak aruang kan I philh ve Ni. Pastor cheu khat hna Izip Pathian, Kanaan Pathian le Tlangbo Pathian an Biak ve Ni. Harsat nak, Rumlo Fimlo, Thancho lo kan i thimh nak Ni. Kanlo Ni. Kan mualpho Ni, etc le U Hoi Tin Konglam.
Posted by Saya Rung Kaw on Monday, 16 December 2019