ICJ Biaceih Zung ah Krismat Ding mi Burma Hruaitu hna: USA, Canada, Malay ummi Tlangcungmi hna pawlkomh bu zongnih Thanh Caa an chuah ve.Kue Pati pue Vankhel le Kencung chuan in athal padap in an tengh hna.Ref: Photo. 2019-11-19 ‘Nithum Ni’ ah Biaceih ding in UN ni caa achuah cang. 2019 December 10 ni ah Biaceih an si cang lai.

Miphun pakhat acikor hloh ding in thahnawn nak kham ding in le Sualphawt ding ‘The Convention on the Prevention and Punishment of the Crime of Genocide’ timi tlangtar in Kambia ‘Gambia’ ram nih IOC timi Muslim hna pawlkombu ‘Muslim 57 fonh ai-awh’ in Netherland ram Tahei ‘Tha Hague’ khualipi ah taza acuai micu asi.

Dec 10,Suimilam 10am -1pm tiang Kambia nih achim hmasa lai. Dec 11, 10am -1pm ah Burma lei anbia ngai asi ve lai. Dec 12, 10am-11am tiang Kambia, 4pm – 6pm tiang Burma bia ngai asi ṭhan lai. Aho poah nih zalon tein lut chuak in ngai khawh asi lai. Hmanthlak le video kha man lo free in hman nak nawl pek asi lai. ICJ internet website in Live an thlah lai.

Hmunhma abitkau zulh in ram 2 Kuzale hna usa pek an si lai. Tanzung rianṭuan hna 2nd usa pek an si lai. Biangai aduhmi poah nih November 28 zingka hlan tiang cazin pek asi lai. Hmunhma ruangah cazin chiah hmasa mi usa pek ansi ve lai. Media rianṭuantu hna caah November 28 zamṭim tiang cazin lehkhan asi lai. Taza Cuainak aruang: Kambia nih OIC timi Islam ram hna komh mi bu ai-awh in le Rohingya kha nehnu ah namneh ti bak loding in Huhim nak le Khumzual nak kha Azipaw in ICJ nih rianrang in Biachah ding kha saduhthah bik mi cu asi.

ICJ Pianciazi Vuanci “Andrey Poska Kukin” nih acan thlen nawn nak aumrih lo tiah RFA kha achimh. Burma lei zong nih U Zaw Htay nih November 15 ni ah Upasi ning in kan Chimrel ve ding ah ready kan si ati ko nain Bialehnak an tuah kho rih lo ti asi. Saya Rung Kaw