I Ruat Ve Tuah. Hodah Na Khamh Hmasat Lai?

Hi hmanthlak cu zoh ah biahalnak tampi a chuahpi. Thihnak nih a tlaih cuahmah liomi tarpa le ngakchiapa hi.nang hodah na chanh hmasa lai?

Micheu nih. Ngakchia cu hrin ţhan khawh lengmang an si. Tar cu hrin ţhan khawh an si ti lo. Tar hi khamh hmasa awk asi an ti.

Micheu nih. Tar cu an thih zongah a poi lo. a si awk a si ko. Hmailei ah ruahchan awk a um lo. Ngakchia cu hmailei ah ruahchan awk tampi a um caah khamh hmasa awk asi an ti ve.

Na lungchungin rak ruat ve law hodah na khamh hmasa hnga.? Hmanthlak i kan hmuhmi cu. Tarpa a khamh hmasa ko hih.a palh maw palh lo dah? Credit: Lungrawn Par

Ngaihthiamnak le Dawtnak Nun In Timi Pathian Bia in Thazaang Van La Ve

Ephesians 4:31-32: Lungthli in i uamnak le thinhunnak le ingpuannak kha hlaw hna u. I hua ti hlah u, vawlpam ti hlah u. Huatnak lungthin ngei ti hlah u. ” 32Pakhat le pakhat cungah zaangfahnak lungthin le nemnak lungthin ngei u law Pathian nih Khrih thawngin an ngaihthiam hna bantukin pakhat le pakhat i ngaithiam u.

Dot khatnak-ngaihthiamnak: Robert L Deffinbaugh nih,”Nutung nu nih fanu pakhat te a ngeih. Cu a fanu cu a Ka cawm tu ding le zohkhenhtu dingah tiah ai zohthla ngai mi a si. Cu a fanu cu misualpa nih a tlaihhrem I a thah rih. Misualpa cu an tlaih I thong an thlak. Nutung nu cu Pathian nih a lung chungah ngaihthiamnak kong a chimh. Thonginn ah a va ton. Pathian dawtnak kong a chimh. Pathian dawtnak nih mitthattu pa nunnak a thlen. Nutung nu angaihthiamnak nih mithattu pa nunnak a thlen. Mi thattu pa le a thahmi a nu cu hmun khat ah an tthu ti, mi thattu pa nih mithahnak ah nam a rak I kenmi can ah a kut ah Bible cauk ai ken cang! Ka fa pa tiah a ti. Ngaihthiamnak nih mi thattu nunnak a thlen! Ngaihthiamnak nih midang sinak in fa sinak ah a thlen!

Efesa khuami ngaihthiamnak an herh:1.Upa si an I cuh caah an I hua, 2. I ngaihthiam an herh! 3. Lunguammi an ngei. 4. Sualnak kawl phun in caan an hngak cuh!

Minung hi kan i soisel le sual I Kawl ahcun Jesuh hmanh hi farasi le saducee hna mit ahcun a tling lo, nawlbia a buarmi a si. I ngaihthiam a herh dih mi kan si.Efesa khuami sining a zoh tikah ngaihthiamnak an herh tuk ning a langhter.(Titus 3:1-2).Minung sining ah thinhunnak, thatlonak pawl hi a rak um ve. Cucu ngaihthiamnak Nun in kan tei cio a hau.Cucu doh an hau. Khrih Kan zumhnak in kan doh a hau.

Dothnihnak: A.Dawtnak kong: John 13:35-Keimah nih kan dawt hna bantuk hin pakhat le pakhat nan i dawt awk a si.35″Pakhat le pakhat nan zawn nan i ruah ahcun mi vialte nih, hi hna hi amah a zultu kha an si, tiah an in hngalh hna lai,”tiah a ti hna.

Jesuh vawlei a chuah hi dawtnak caah si: A thih zong dawtnak ruangah si. Zumtu hmasa hna zong dawtnak in nunnak ai hrawm caah an nung. Pathian nih a kan dawt. Jesuh nih nawlbia thar Dawt ding a kan fial .( John 13:35) Nu le va Dawt ding. Unau Dawt ding.(IJohn 4:7, 20) Khrihfabu Dawt ding. Laihri tlai Dawt ding.

B.Dawt lo, rem lo le huatnak kong. Mihuat kong: Rev. Sang Cung nih Bible sianghngakchia pa le amah kong a kan chimh. Bible sianghngakchia gospel team in a kan tlawng. Ka zoh ah Ka rem lo ngai. Bible sianghngakchia zong si lai lo. A um ning hi ka mitkem tuk tiah a ti. Cu Bible sianghngakchia pa nih cun a rak rem lo tuk ve le Hi pa hi Pastor zong si lai lo, khuabawi ding phun a rak ti ve. A donghnak ah mi kan rem lomi hna nih hin an rak kan rem ve lo . Cucaah rem lo phun Hi rak ngeih ding a si lo. Mi rem lo hi ngeih lo ding a si a ti. Dawt lo le rem lo mit in mi kan um tikah mi dang zong nih an kan daw ve lo, an kan rem ve lo. Cucaah Bible nih a kan cawnpiak bantuk in I Dawt ding, I ngaihthiam ding tu hi Khrihfami kan rian a rak si.

Pathian ngaihthiamnak kong: Matthai 18:21-35 Cun Peter cu Jesuh sinah khan a ra i, “Bawipa, ka unau pakhatkhat nih ka cungah sualnak tuah seh law voi zeizat dah ka ngaihthiam lai? Voi sarih tiang maw?” tiah a hal.” 22″Jesuh nih cun, “Sihlah, voi sarih si loin voi sawm sarih voi sarih,

Judah mi ngaihthiamnak kong: Luke 23:34 Kan Bawipa Jesuh Khrih nih Ka pa an sual ngaithiam hna zei kan tuah ti an hngalh lo caah a si. Jesuh Khrih ngaihthiamnak hi mi vialte ca a si.Calvary a thihnak hi mi vialte caah a si. Cu nih cun vawlei pi a thlen. Zumtu Nun a thlen. Jesuh nih vailam Cung in a ngaihthiamnak nih ralbawipa nunnak a thlen.

Steven lung chehnak( Acts.7:55, thlarau in khat: 60:an sualnak an cungah khing hlah, ngaithiam hna, timi nih Saul (Paul )nunnak a tuaitam cang. Harsatnak lio caan ah, lung in thi lak in an cheh hna lio caan ah, an sualnak an cungah khing hlah, Ngaithiam hna timi bia a thei tu lungthin le nunnak a thlen.Ngaihthiam Nun nih a thlen cang!

Micheu khat kan nunnak ah Midang nih fahnak an kan pek tikah kan nunnak thil tha lei chuah pi tu ah kan hman I mi cheu khat nih cun chiat khaat nak lei ah kan hman ve.(Better/ bitter). Ngaihthiamnak nun a um lo caan hi a khaat lio caan a si.Mi puarmi hna khi huat ding an si lo.Zaangfah ding tu an si.An sining khi an fak i celh lo, an si vang cuh. Ngaihthiamnak lungthin cu nun a dam. Tuar a nuam. In khawhnak a chuah pi. Nunnak ah thatnak lei ah a kalpi tu a si.

Ngaihthiamnak hi a fawi lo nak a langhnak cu Jesuh nih vailam cungah A nunnak a pekmi a si.Dawt mi ulenau hna Khrih nih kan sualnak vialte a Kan ngaihthiam cang. Khrih panh hna usih.Minung nih ngaihthiam ding ah ruah ti lomi Khrih nih a ngaihthiam khawh peng.Khrih sin kir in i ngaihthiam hna usih.Khrih caah a tlai mi a um lo, Na upa tuk, Na sual tuk cang ti a um bal lo.

Zangfahnak hi Chrestos, Khrih hi Christos a si: Zangfahnak lungthin in nun ti cu Khrih bantukin in nun hi a si. Matthai 11:29-30 29″Ka seihnam kha i bei u, kei cu nunnem le mitoidor ka si caah ka nawl hi i cawn ve u; cun dinhnak kha nan hmuh lai.”30″Ka seihnam cu a bei a nuam i ka thil cu a zaang,” tiah a ti.”A zaang timi ahhin Chrestos a hman ve.

Cu nun in nun tikah thilrit a zaang. Zaangfahnak, ngaihthiamnak nun hi thilrit zaantertu a si. Cu nun in kan retheihnak, kan buaibainak phurh tikah phurh khawh a si. Khrih seihnam ah in bei hna usih. Khrih sei chungah ikhumh hna usih. Khrih nih a kan Ngaihthiamnak le dawtnak nun in kan khua kan ram, kan Khrihfabu sersiam hna usih. Bawipa sunparnak caah si ko seh.

Credit: By.Pastor Ca Cung Bik