I Kahnak: Iraq Ah US Servicemen Minung Pahnih Le Royal Army Service Pakhat Ralhrang Kut In An Thi. US Nih Lehnak An Tuah Colh: Nizan ah Baghdad, Iraq chak lei 27km ah a um mi Camp Taji hmun cu Rockets 18 bakin kah asi, mah thil tuahtu hi Iran nih a dirkamh mi Shia muslim ralhrang hna an si lai ti zumh asi. Camp Taji kah asi ruangah American minung 2 le UK minung, Royal Army pakhat an thi. Cu pinah minung 12 nih hliamhma an tuar. Hi kongah mi zeihmanh nih kanmah tuahmi si timi a chim mi an um rih lo.

Hi kongah US Central Command biachimtu Captain William Urban nih a cim mi cu “Camp Taji kahnak le minung pathum nunnak a liam timi hi a dikmi si ko, amah belte mi zeibantuk nih dah hi thil hi an tuah timi kan thei kho rih lo. Rockets 18 hna hi 107mm Katyusha rocket an si,”tiah a chim ve.

US nih lehrul cham in Anbu province, Iraqi le Syria ramri pawngah a um mi hna Shia muslim pawl camps tthenkhat cu kah colh in, airstrikes a hman tiin L9cal media hna nih an langhter. Camp Taji hmun hi US-NATO Forces hna nih Iraqi ralkap training an peknak hmun si i, Combined Joint Task Force Inheritent Resolve hmun pi asi.

Relchih: Juventus caah thawngchia taktak si cang. Ronaldo le Ramsey zong zawtnak an ngei lai timi an lunghrinh cang hna. Juventus hnu kham Daniele Rugani cu atu lio zawtnak ttihnung Corona Virus a ngei,”tiah Juventus nawlngeitu hna nih phung ning tein mipi sinah thawngthanhnak an tuah cang. Europe Player chungah Daniele Rugani hi Covid-19 zawtnak nei hmasa bik zong si.

Italy ramchung ah Corona Virus zawtnak angeimi hi minung 12462 an phan cang i, minung 1045 bak te an nunnak a liam cang. Vawlei cungah Corona Virus a ngeimi a tam bikmi China asi i, Italy hi pahnihnak asi. Juventus hnukham Daniele Rugani cu Corona Virus hrik a ngaih cang caah Juventus player pawl cu hmundang ah an chiah hna lai. Cu pin ah Juventus player chungin Cristiano Ronaldo le Ramsey zong Corona Virus zawtnak hrik an ngei kho men tiah lunghrinh an si cang.

Kan theih bantukin hmaizarh ah khin Juventus le Lyon cu Champion League leg 2 nak aa celh dingan si nain Juventus player tthenkhat zong Corona Virus zawtnak hrik an ngei kho men tiin an lunghrinh hna caah an game hi thawn khawh asi. Cu lawng si loin Serie A zuamnak cu April 3 tiang chuih lo dingin cozah nih nawl a chuah cang. Daily Mail