I Cei Hna Seh! Ralkap An Zaam Thluamah Cang

Myanmar News

Min Aung Hlaing hruaimi Ralkap an zaam thluahmah cang! Zeithei lo lungmawng rual mi forh ngai pawl nih heh tiah lamcung ah mipi an kah hna, a thli tein an cunglei bawi deuh pawl cu khawi ka dah kan zam tthat lai timi khua lawng an ruat cang. Tuzarh chung hmanh ah ralkap an thazaang a tla rup. Nikhat hnu nikhat an chung le pawl nih Naypyidaw an chuah taak. Nizan hrimhrim cu Naypyidaw in hmundang ah a zammi an tamtuk ti si.

May be an image of car and outdoors

I cei hna seh. Ramdang doh hlan hmanh ah an sung thluahmah ning a lang cang. Min Aung Hlaing hrim a umnak theih si ti lo. Thlithup chim pawl nih cun vawlei tang ah a zam.Thihnak he aa neih tuk cang an ti. A fiangmi cu atu ralkap kan dohnak kan aunak hna hi kan teinak hlapi a cang te lai.

Myanmar coup: What will the military do now? - BBC News

Atu na temhtuarmi hi na techin fapar caah nunnak petu cerhtiput si te lai. Nihin kan tonmi thil hna hi kan fale nih tuanbiawh ah an chim te lai. Vawlei theih in tuanbia kan tial. Nang tuanbia chung ah naa tel maw tha tein ruat ve. Credit: T.C.T

Relchih: Hakha University hmun chung ah ralkap nih umhmun an khuar! Chin Ramkulh Hakha khuapi, Hakha University hmun chung ah 2021 March 7 zaanlei suimilaam 2:00 hnu in ralkap nih umhmun an khuar cang tiah theih a si.

Hakha University ah ralkap nih umhmun an khuar mi kong he pehtlai in University chung riantuan pakhat nih, “Kei cu zeihmanh ka thei lo. Sianginn uk pa he an i chawnbia i a si lai. Cun, atu an rat i umhmun an khuar zong hi atu cu mei kangh ti bantuk pawl a um lengmang tik ah security ca ah an rat mi a si lai,” tiah a chim.

Ralkap nih umhmun an khuar ca ah University chung a um mi siang cachim le riantuantu hna zong a dang ah an i thial dih tiah kan theih. Cun Chin State Administration Council Chairman Pu Ngun San Aung nih “Kei cu zeihmanh ka thei lo. Keimah lei chawnhbiaknak a um lo. Atu an kal mi hi cu security ca ah a si lai ti ka ruah ko,” tiah a chim.

Atu bantuk in Sagaing Ramthen Monywa University, Kayah Ramkulh Luai-kaw University chung ah ralkap nih umhmun an khuar nain mizapi lei nih an duh lo ca ah an i thial than tiah theih a si. Cun Hakha University sianginn uk Dr. Lian Za Khup nih “Pakhat ka thei ve lo. Ramkulh council lei nih an tawlrel mi a si lai,” tiah a chim ve. Credit: The Hakha Post

Leave a Reply