I Cei Hna Seh! Anmah Tein Thihnak Lam An I Thim

Myanmar News

Saya Tluang Ceu Thang: Ralkap pawl anmah te nih thihnak lam an i thim. Vawleipi nih dawlh dih timh cang hna. Min Aung Hlaing kuttang minung pawl nih zahan April 7 ah England khuapi London khuachung ummi Myanmar Embassy cu hramhram in an lak. Embassy ah caantling rian a tuan liomi Kyaw Sua Min a um lo kar bak ah a zung chungah an lut ko.

May be an image of 1 person and outdoors

Yangon Mandalay ah maw an ruah hnga. Tanzung a tuanmi Kyaw Sua Min hi April 7 zanlei suimilam 5 ah a rian a dih cang. A ai ah thim tharmi Dr Chit Win kha cohlannak vun tuah i riantuan ding a si. Cu ti cohlannak tuah vun hngah lio caan kar lak ah atu bantuk in ralkap lei nih Embassy an lak hi a si tiah Kyaw Sua Min nih BBC news ah a chim.

Ralkap an thil tuahmi zoh tik ah Cakei mei tlaih bantuk si cang. Vawlei pi nih ralkap an thil tuahmi an cuanh cio lio pi ah atu bantuk thil tha lo an tuah cu an caah a poi taktak khi a si. Anmah te nih thih nak lam an i thim khi si ko. Ram chung ah mi an thah le mi an kah hmanh ah kuan taktak kan hmang lo. Rubber kuan a si tiah an sual an i pheh.

Atu ah Kawlram lawng si ti loin Ramdang tiangah an nawlngeihnak tha lo an langhter than. Vawlei cung ram thawng le Democracy dik bakmi England ram hna i hi tiangtiang an um ngam cu ralthat si lo in hruh taktak khi an si. England cozah nih a zoh sawh hna lai lo. Tuluk le Russia nih an dirpi lenmi zong zeihmanh santlaih dawh si ti lo. An sual an thup kho ti lo. Cucaah an duh duh lo zongah Cepa an co hau. An caah lam a pit.Thihnak lam an i thim ai. England cozah nih zeitin dah action a lak te hnga kan zoh lai.

Leave a Reply