Hriamnam Tling An Ngeilo Nain CDF Nih SAC Ralhrang Sakhan Voi 3 Tiang An Nam Hna

Chin News

Hriamnam Tling An Ngeilo Nain CDF-Asho Nih SAC Ralhrang Sakhan Voi 3 Tiang A Nam Hna

Hriamnam tlamtling tein an ngeih lo bu in SAC ralhrang hna lam tampi in a nor mi CDF-Asho nih ralhrang sakhan voi 3 tiang kan nam cang hna tiah CDF-Asho tuanvo ngeitu pakhat nih a chim.

May be an image of 2 people and text that says "sho Team"

CDF-Asho cu Magway ramthen nitlak lei Rakhine tlangram pawng ah Chin miphun um nak khua cheukhat ah kahdohnak tuah in an cawl cang. A si nain hriamnam lei an chanbau caah hmunhma humhak le hmunhma theihhngalh nak caah biapi in an cawl cang deuh.

CDF-Asho cu an dirhnak caan zong a sau rih lo nain SAC ralhrang sakhan voi 3 tiang an nam cang.

May be an image of 2 people and text that says "sho Team"

Aluan cia August 21 lio ah Ngaphe(ငဖဲ) peng Gas lam a hngak mi SAC ralhrang sakhan an rak luhhnawh hna nain hriamnam an i deih lo caah le hriamnam ṭha an ngeih lo caah an duhning in an cawlcang kho lo.

“Sakhan lak dingin kan i timtuah ko nain hriamnam ṭha kan ngeih lo caah kan duhning in kan cawlcang kho lo. Cucaah kan herh mi Drone cawknak caah ‘Vakok thla’ timi tangka kawlnak Campaign zong kan tuah lio a si.”tiah CDF-Asho upa Salai Ro Chin nih a chim.

May be an image of 2 people and text that says "sho Team"

Hi tangka kawlnak Campaign cu August 25 in October 2 tiang chungah Ticket zuar a si. Lawmman laksawng (poh ding) cu kut in tah mi Laithilṭ Samtu thuam, Lautu, Asho, Mara le Mizo thuam hna an si lai.

CDF-Asho cu SAC ralhrang nor ding le Chin Miphun nih zalonnak a hmuh khawhnak ding, Chin Miphun hna hmunkhat teah le lungrual tein kan i funtom khawhnak ding ca le mah te khuakhan lairelnak kan hmuh khawhnak ding caah Ngaphe peng, Min Hla peng, Min-dung(မင်းတုန်) pengchung hna ah a cawlcang mi an si tiah kan theih.

Leave a Reply