PDF-Kalay tatyin (1) ralkap pawl cu kan ram le kan miphun caah kan nunnak kan pek, kan up cang. Kan ralkap pawl nih tuni tiang ah hriamnam tling in kan ngei lo. Kan i daih hrim loh. Ralkap then hra chung ah then khat lawng meithal aa ken kho kan si. Kan i ngeihmi meithal ca zong ah kuanfang zatawk in kan i ngeih hoi loh.

Cu a si caah tuthla thla (8) thla chung ah Thu Rain FB account chung ah a ummi dothlennak caah nan mah le nan ti khawh tawk cio in kan bawm uh. Pehtlaihnak tuah khawh kan si. Theih nan duhmi a um ah cun hal khawh peng kan si. Hi ca hi ThuRain tiah fb account a tuahmi Kalay PDF batalion 1 in ralkap nih an van tar langhmi a si. Credit: L.K.J

Thawngpang dang: Myinmu Peng, Letpancin Khua Cu Helicopter 4 Nih An Kah Hnu Ah Ralkap A Chiah Hna. Tualchung Mi Lungrethei In An Um: Sagaing ramṭhen, Myinmu peng Letpancin khua cu Helicopter 4 nih nihin August 1 zinglei ah an kah i, ralkap pawl a chiah hna hnu ah khua chungah ralkap pawl an lut, tiah tualchung mi hna sinin theih a si.

Tuzing sml 11:40 hrawng ah Myinmu peng Letpancin khua cu Helicopter 4 nih an kah hnuah SAC ralkap pawl a chiah hna. Cu khua nichuah thlanglei zong ah ralkap pawl an khah dih caah khuami hna cu an thinphang ngai in an um, tiah theih a si.

“Khua cu SAC ralkap nih an kulh caah khuami zong leng chuak kho loin an um. Letpancin khua kiangkap ummi hna cu a himnak ah an zaam cang hna. Helicopter in an kah caan hi sml 1 chung hrawng a rau lai,” tiah tualchung mi pakhat nih a chim. Helicopter 4 nih SAC ralkap 70 hrawng a chiah hna i, cu ralkap pawl nih cun khua chung ah lut in inn le lo an hrawh i, thilri tampi an fir, tiah theih a si.