Hriamnam A Chia I Aa Pemi Ralbawi 6 Cu Dantat An Si Lai Tiah Ralhrang Nih Thanh.

Myanmar News

Laukkai Ah Hriamnam A Chia I Aa Pemi Ralbawi 6 Cu Dantat An Si Lai Tiah SAC Nih Thanh. Shan ramkulh chaklei, Laukkai khuapi um SAC ralbawi 6 nih Kokang ralkap MNDAA sin ah an hriamnam an chiah i, ral kut i an i ap ruang ah le cunglei nih nawlpek mi an tlamtlinh lo ruang ah phungning tein dantat an si lai, tiah Naypyidaw um SAC ralkap nih media ah an chim.

“Hriamnam chia ding in biakhiahnak a tuahtu ralbawi 6 cu an rian an tlamtlinh lo ruang le cunglei nih khinhmi rian ṭha tein an ṭuan duh lo ruang ah dantatnak pek a si lai. Cu pin ah ralkap hriamnam vialte le motor, motorcycle vialte sungh a si ruang ah a hlei in dantat a si lai,” tiah Naypyidaw lei nih cun an chim.

SAC ralbawi 6 nih an hriamnam an chiah hnu ah tualchung hriamtlai phu in ṭuanvo ngei cheukhat hna he zanriah an eiṭinak le nuam ngaiin an umṭinak hmanthlak pawl cu social media ah a kai i, cu hmanthlak cu SAC Chairman Min Aung Hlaing nih hmuh tikah a thin a hung ngaingai, tiah SAC chungtel hna nih an chim. Ref: The Chin Post

Leave a Reply