Hopang Le Panlon Hmunram Cu Wa Ralkap UWSA Kuttang Ah A Um Cang.

Myanmar News

Hopang Le Panlon Hmunram Cu Wa Ralkap UWSA Kuttang Ah A Um Cang. SAC kuttang ah a rak ummi Hopang le Panlon hmunram cu Wa ramkulh, UWSP/UWSA kuttang ah a tla cang, tiah UWSA ramleng pehtlaihnak zung in ṭuanvo ngeitu nih a chim.

Hopang le Panlon hmunram vialte cu Hopang Town Hall ah Wa kut ah pekchanhnak an tuah i Wa ramkulh cozah aiawhtu Mongmao pengkomh uktu le department kip cio ṭuanvo ngeitu hna zong an kai, tiah theih a si.

Hopang le Panlon hmunram cu chaklei hriamtlai ṭangṭi phu thum nih January thla hram thawk ah an rak laak i hriamtlai ṭangṭi phu thum le Wa ralkap hnatlaknak ngeih hnu ah Wa ralkap pawl cu Hopang le Panlon hmunram ah an lut.

Wa ralkap nih SAC ralkap le chaklei hriamtlai ṭangṭi phu thum kar kahdohnak ah khoika lei hmanh in kan ṭang lai lo, tiah thawngthanhnak an tuah. Ref: The Chin Post

Leave a Reply