Hmunkhat te ah Chinmi pafathum an thi. Nov 15 sml 6pm faiah ralhrang vanlawng nih Matu peng vuilu khua ah a bom/kah ruangah khuami 13 an thi tiah kan theih, pathum hliamfaak an tuar. Tu hmanthlak kan tarmi hi Vuilu khua mi Pu Ha Khong le a fale pahnih hna cu ralhrang vanlawng kahnak in an nunnak liam. Pu Ha Khong hi siangcachim CDM tuahmi si tiah kan theih.Vullu khua hi Inn 65 an si. By Salai William Hlawnceu

Thawngpang dang: Pauktaw Khua Palik Sakhan Telh In SAC Kuttang Zung Vialte AA Nih An Laak. Rakhine ramkulh Pauktaw peng palik sakhan telh in zung vialte cu AA nih nihin November 16 zinglei suimilam 7:00 luan ah an laak khawh, tiah theih a si.

Pauktaw khuami pakhat nih cun, “Pauktaw palik sakhan cu November 15 zan ah an laak i November 16 zinglei ah zung vialte an laak dih. Palik sakhan uktu telh in palik pawl cu AA nih an kalpi dih hna, zung rianṭuantu hna cu zung chung ah an chiah rih hna. Zeitindah an tuah te hna lai ti cu hngalh a si lo,” tiah a chim.

Pauktaw palik sakhan cu November 15 zan ah AA nih an kah i hriamnam chia dingin an auhnawh hna hnu ah palik pawl nih hriamnam an chiah dih. Nihin zinglei suimilam 10:00 luan ah SAC ralkap Helicopter pahnih nih bomb an thlak pinah seh meithal in voi 10 leng an an kah, tiah tualchung mi hna nih an chim.

Pauktaw khua chung ah SAC ralkap Helicopter nih kahdohnak an tuahnak kong he pehtlai in khuami a thi le hliamtuar an um le um lo hngalh a si rih lo. Nizan November 15 ah Teinnyo le Kyaukni palik sakhan zong AA nih an laak cang. SAC ralkap he November 13 in kahdoh hram kan thawk ṭhan i an sakhan 40 leng an chuahtaak cang, tiah AA nih November 14 ah an rak thanh.