Tih a nung chin lengmang ko. Tuzing ah hlathlaitu (researchers) pawl nih an chimning in vawlei mipi minung 2 million dengmang nih ngeih cangmi zawtnak coronavirus kong he pehtlai in 2022 tiang khi cu mipi he neihniam in umlo (social distancing) a hau te ko lai tiah ABC News nih an thanh.

Johns Hopkins University Center for Systems Science and Engineering hna nih data an khawmhning in coronavirus zawtnak ruang ah hin vawleicung ah minung 126,000 renglo an thi cang ti a si. An zumhning lebang ah cun hi nak hin a zawmi le a thimi an tam deuh tuk rih lai ti a si. Hneksak khawh cawk lomi le cozah cheukhat nih a sining dikte in an thanh duh lomi zong a um kho tiah ruah a si.

Hi zawtnak hi kan hnu December thla ah China in ai thokmi a si i a tu hi United States cu hi zawtnak a tam biknak ram a si. United States chung lawng ah hi zawtnak a ngei tiah theih khawh tawk vial hmanh hi minung 609,000 renglo an si cang. Cu chung ah hi zawtnak ruang ah a thi cangmi hi minung 26,057 paoh cu an si cang lai ti a si. US ramchung State pakhat New York state lawng i zawtnak a ngeimi hmanh hi ramdang ram pakhat dihlak ah zawtnak a ngeimi nak in an tam deuh cang. Ref: ABC News