Atulio zawtnak ṭihnung Coronavirus hi ṭih a rak nung hringhran ko. Ramthumnak hna ah cun ei ding ti le rawl tibantuk a dih i cawk cia in an um i toilet paper tiang an i cuh ti a si. Kawlram belte ah cun zeihmanh a um lo, chiti a dih, facang an dih, an khawn cia tibantuk zeihmanh a um lo nain, Mirozam ah cun cubantuk cu a dih ve ti a si.

Gospel singer Valalsailova nih a facebook cahmaiah a tarmi cu “Covid-19 le Monu thuam/angki. Ramdang ah cun Covid-19 (Coronavirus) zawtnak hrik hi ṭhaṭhi thawchuah khawh lo, khuh, khuasik hibantuki a thawk. Asinain kan ram ah cun, Facang, chiti, chini, chite, dal, alu hibantuk a phunphun i cawk cia i khawncia in alang tiah an ti.

“Tuzing ah ka u nih piak le chiti cawk dingin a kal i cawk ding a hmu ti lo. Facang cawk dingin a va zoh ṭhan i dawr an chiahmi zong a dih cang. Mordekai nih Esther sinah “Siangpahrang na sinak a ruang cu hibantuk caan ah hin a si awk a si lo maw? a ti bantuk khan, “Bawi, Pathian nung zumtu le Khrihfa hrinṭhanmi kan sinak hi hibantuk caan ah hin kan langhter awk a si lo maw? ti hna khuaza za ka ruat. Hlaphuahtu nih cun “ka cawk cia thawngin ka him lai lo, a tibantuk khan, “Jesuh Khrih sinah ka himnak cu a um” tiah a timi kha a rak si hrimhrim ko.

“Covid-19 kan ṭih bantukin Pathian ṭih hna usihlaw kan ram hi zeitluk in dah a dam hnga mu, asiloah a va dawh hnga mu, mifak zong cawisan an hlawh ve hnga mu ti tiang khuaruahnak ka ngei phah. Ka phone in ka ṭial chawmmi asi caah ka rel a har deuh kho men i a rel ning rak ka thiampiak hram uh,” tiah Valalsailova nih a chim.

||Note: Hihi Hlasakthiam Vanlalsailova nih Mizo ca in aṭialmi kan leh chawmmi a si tikah, Laiholh in a relremning in le a tawi fiannak in kan rak lehchinmi a si.||