Laimi hlasakthiam kan ngeih hna i cu hna lakah minung pakhat vun char ka duhmi cu hlasakthiam Van Hlei Sung hi asi. Van Hlei Sung hi hlasakthiam a si lawng hmanh siloin Lainu ah cun nuza muidawh pakhat bak asi. A pumrua zong a ttha i, a tungtai arem a ttha.

Van Hlei Sung atu lio Lai mino lawng nih siloin nu le pa zong nih an uar ngaingai mi le a hlasak an ngaih huam ngaimi pakhat asi. Aruang cu amah lawnglawng hi atu lio hlasakmi ah cun hlanchan hla, hlan lio zuunhla a kan khomhsuatpiaktu le a satu hi amah lawng asi. Amah hi a thil tuahmi kipah i biatak nak a ngei hihi uar a um khunnak cu asi.

Malaysia ah tuahmi CNF Concert ah hlasak an sawm ve i, mipi a nuamhter ngaingai hna. Hlan zuuhla dawhdawh a kan sakpiak. Cun Pathian thangtthatnak caan ah Pathian hla ttha taktak a kan sak piak tthan. A aw hi ngaih chimh lo bak asi. Hlasakthiam Sui Hlawn Rem nih a sakmi “Mualpho In A Kan Chia Lo” timi thangtthatnak hla a nunnak taktak he a sak i, lawmhnak mittthli a luang. Athiam kho taktak. Rak ngai ve law thazaang rak la ve.