Hlasakthiam Rev. H. Thomas Ṭial Uk Nih Coronavirus Hla A Phuah A Ṭha Kho Taktak Rak Ngai Ve-Video
Atulio vawleipi nih a buaipi cuahmahmi le a ṭih tukmi Covid-19 nih vawleipi a buaiter i thinphang in ruangmang in a chiah cang. Ramkip ah a phan i nifatin ngaihchiatnak thawngpang lawngte theih ding a um. Ramkip nih Lockdown an tuah cio nain an tlawm deuh cang rua tiah kan ruah lioah a karh in an karh chin lengmang. Lungrethei taktak a si cang.
Cu lioah Laimi nih hla phuah thiam kan i ngaihmi Rev. H. Thomas Ṭial Uk “Vawleipi A Thin Aphang (Covid-19),” tiah a phuahmi rak ngai ve hmanh a ṭha kho taktak. Rak ngai ve law thazaang rak le ve. A ṭha kho taktak. Atanglei ah a video kan chiah i ngaih khawh a si.
Thawngpang dang rak rel chih: A Poi Chin Lengmang Ko: Saram Zong Nih Coronavirus An Ngeih Tiah Hmuhchuah A Si Cang. Nizan Pathianni ah khan US ram saram zuatnak pakhat Bronx Zoo an timi ah saram pawl cu zawtnak an ngeih le ngeihlo hneksak an si. Cu ah an hmuhchuahmi cu hi saram zuatnak hmun ah a ummi pakhat cu coronavirus a ngei tiah federal official hna le zoo zohkhenhtu hna nih an chim.
Hi saram zuatnak hmun ah coronavirus an hmuhnak saram hi kum 4 a upa cangmi Malyan tiger a si i a min ah Nadia tiah an auhmi a si. Nadia hi saram hna lak ah coronavirus a kai hmasa bik a si lai tiah an zumh a si. Cu lawng silo in tiger dang paruk hna le lion dang hna zong an zaw tiah theih a si. An zumhning ah cun hi saram zohkhenhtu pakhat nih a chawnhmi hna an si lai ti a si. Hi saram zohkhenhtu pa cung ah cun zawtnak zei hmanh a langmi tu cu an hmu rih lemlo tiah zoo ah rian ttuantu midang hna nih an chim.
Saram cung ah hneksaknak hi kan hnu March 27 ah khan a voikhatnak bik an rak tuah a si. Cu lio ah cun zawtnak a lang bang cang tiah an rak hmuh nain zaw thailo in an dam tthan dih tiah an chim. Hi zoo hi New York ah coronavirus a hung karh i a linhsat khan March 16 ri in mipi nih tlawhtlirh tilo ding in an rak khar cangmi a si.
Hi zoo zohkhenhnak ah director a sim Jim Breheny cu nawngeitu hna nih biahalnak an ngeih. Cu ah a chimmi cu ka zum kho hrimhrim lo. A sinain hi kan hmuhchuahmi nih hin vawlei pumpi nih coronavirus kan dohnak ah hin tthathnemnak a kan peek ko lai. Hi zawtnak kong ah thawng kan theihmi paoh paoh le zeitin dah kan i chawnhning a si, zeitin dah minung in saram ah saram in minung ah tibantuk hlathlainak ah bawmtu a si ko lai tiah a chim. Ref: ABC News