Tutan ah kan tarmi hla i hlasakthiam Jennifer Zochhingpui nih a pasal caah a sakpiakmi hla a si. Hla ṭialtu hi Joel Kunglawm si dawh a si ṭha tein an langhter lo caah kan vun fianh kho lo. Ahlabia zong aṭha ngaingai. Ngaih zong a nuam fawn. A fanu Bawipa nih aramkauhnak caah hmang chin sehlaw, a pasal Kung Lawm zong a rian a ṭuanmi Pa Pathian nih amah sunparnak caah le ram kauhnak caah hmang chin lengmang ko seh.

Laimi Pathian hlasatu(Gospel singer) nungak Jennifer Zochhingpui cu pasal a ngei ve cang. Apasal hi Laitlang Hmawngtlang khua a si i US ramah khuasa a si. Jennifer pasal ding hi a min ah Kung Lawm a si. Pathian aṭihmi le Pathian rianṭuantu pakhat a si ve. Pathian nih hin amah a ṭihmi le aa bochanmi hna minung cu an caah lamṭha a sial piak ko hna. Hlasakthiam Jennifer Zochhingpui le Kung Lawm hna hi 29 October, 2019(nihnihni) ṭhitumpuai an rak tuah.

Jennifer hi zohtikah ahlasak ning, amuisam le a umtu ah Pathian aa bochan ti hi fiang tein hmuh khawh a si. Pathian hla asakmi hna khi zohtikah aa biatak tuk timi hmuh khawh asi. A nun bakin Pathian hla a simi nungak a si. Thazaang dermi hna nih tampi thazaang kan ilak. Pathian tu nih amah sunparnak caah an nupa tein hmang chin ko hna seh.

Nihin i Gospel singer pawl hna hi an no lio( nungak,tlangval) an si lio caan lawngah Pathian hlasa dingin kan duhmi hna lungput belte hi cu a ṭha lo ngai. Singer ding ah hin nungak thengmang te Khrihfabu rianṭuantu hna nih kan thimmi hna le kan duhmi te hna hi ruah phu a si. Gospel singer dingah cun muidawh pumruaṭha zoh a rak herh lo, Pathian a duhmi a si maw ti hi arak biapi deuh.

Singer hmanh ah nungak kan duh, nungak hmanhah cun amui sinpi deuhmi kan kawl rih hna. Hi bantuk lungput he khrihfabu hruitu hna nih singer kan sawm hna ruangah nihin tiangah singer hna hlasakmi hmangin mizeihmanh an nun an thlen khawhlonak hi asi lai dah. Pathian a tihmi hna cu nutung cia an si ko zongah sawm hi a tha. Nungak rumro le muidawh rumro azohmi khrihfabu silo hi a biapi tuk. Video: Hi ka hin a hlasakmi ngaih khawh a si.