Tutan ah hlasakthiam Iang Len Sung nih a facebook cahmaiah a ṭialmi a sawhsawh a si hrimhrim loh. Hibantuk hi kan zulhpiak hrimhrim a herh ve. Phaisa tampi dih in an tuahmi a si tikah fawi tein kanmah nih kan duh paoh in an hlasakmi kan tuahmi hna hi a ṭha lo ngaingai. Miraang nih Copyright tiah an ti i an duh lo taktakmi a si.

Anmah sinah halnak nan tuah i nan thlahzamh belte ahcun a poinak um hnga lo. Asinain anmah zongah nawlnak le halnak zeihmanh um loin phaisa tampi dih in an tuahmi kan laakpiakmi hna hi a ṭha lo ngaingai. Kamkhat leiin chim ahcun fir phunkhat zong a si tiah ka ruah. Miphun dang hna cu hla pakhat an tuahmi hi an youtube channel hna a nungmi a si cun an thabat zeimawzat siloah an studio an luh man zeimawzat an hmuh hna.

Miphun dang, miraang hna khi Youtube Channel bak in dakaw an paw an icawm khawh ko cuh. Chinmi hlasakthia tampi zong hi hmaileiah cun ai cawm khomi an si ve. Youtube Channel tibantukin phaisa an hmu ve. Phaisa an duh tuk tinak zong khi a si loh. Studio an luh manh le Video an i zeih man ah zeizat remruam dah an va dih lai mu.

Cucaah hlasakthiam Iang Len Sung nih a album thar kongah a tanglei bantukin mipi sinah nawlnak a tuah! Zaangfah Nawl Nak: Zaangfah nak ten ROSUNGBIK ALBUM Hi Chinstar MTV Dah tilo Zaangfah nak ten a ho hmanh nih FB – YouTube Chanel A dangdang ah rak ka chiah piak lo ding in kan nawl hna. Cun Zaangfah nak ten midang nih an hmuh cio nak hnga Share in ka bawm cio ulaw, Zuar kan i thawk bak lawng a si caah, Fb – Youtube Chanel ah chiah kan siang rih lo. Iang Len Sung