Hlasak thiam Dawt Hlei Tlem te chung Australia, mirang pa nih rak ton in a lak hna lai

Chin News

Hlasak thiam Dawt Hlei Tlem te chung Australia mirang pa nih a rak ton hna, a lak hna lai

Image may contain: 2 people, people smiling, people standing and shoes

Chinmi chung in hlasak thiam minthang a simi Dawt Hlei Tlem ( Dawtmi ) te chung cu Australia um mirang pa nih a rak ton hna i a lak hna lai tiah kan theih. Australia mirang pa hi a min ah David King a si i Adelaide ah a ummi a si.

Dawtmi nih mirang hla a sak mi kha a rak hmuh ve, a rak ngaih ve. Dawtmi hlasak mi kha a uar tuk i Dawtmi kong cu a hun hlat tikah Dawtmi te chung he an i pehtlai kho. Cu tikah David King nihhin Dawtmi muihmuh lo le ton lo cu a si kho bak lo a ti pinah nanmah chung Australia lak lo cu a si kho bak lo a ti caah nihin ah April 18, 2019 ni ah mirang pa David King cu Dawtmi te chung i ton ding Malaysia a rak phan.

Image may contain: 1 person, standing

Dawtmi te chung le an hawi le hna nih KLIA ( 1 ) ah an van don i dam tein an i tong kho.

David King nihhin Dawtmi te chung cu laknak a van tuah hna i Australia lei embassy cu a lim dih ngawt cang i minthut lawng a tang cang. Nihin ah UNHCR zung ah an kal i UNHCR zung zong nih tha tein an tauhtan piak lio hna a si. Thaizing ah Malaysia Immigration zung ah an kal than lai.

Image may contain: 5 people, people smiling, people standing and outdoor

Malaysia cozah theih bu tein an tuah mi a si caah tulio hi Malaysia palik nih tha tein an hlathlai lio a si. Mahhi David King hi mifel a si maw? Dawtmi te chung hi tuanvo a la taktak hna lai maw? timi biatak tein an hlathlai ve lio a si. Malaysia palik nih tha tein security an lak piak hna. Airport ah David King an don lio zong ah palik nih security tuanvo an lak piak hna. David King nih Australia ah a lak khawh hna hlan cu Malaysia palik nih tha tein security tuanvo an lak piak peng hna lai.

Tlamtling tein an lak khawh hna i Australia an va phak hnu zong ah Dawtmi hi International level in zuamnak le thiamnak ah a lang khomi a si i kan miphun le kan ram a cawisangtu a si khawhnak hnga thazang pe cio hna usih law Thlacamnak zong in bawm cio hna usih.

Image may contain: 5 people, people smiling, people standing and outdoor

Dawtmi cu kum 10 te lawng a si rih. Hmailei ah a caah thanchonak lam tamtuk a um rih i tunak in a thangcho chin lengmang ding a si. A awzai in siseh, fimthiamnak in siseh a tu kar a hlang cuahmah mi a si caah kan miphun nih thazang pek thiam a herh tuk lio te a si. Dawtmi a nulepa cu Thantlang peng Lungding khuami an si i Malaysia ah ralzam dirhmun in Lokeyew sang ah an um lio a si.

Dawtmi fan poh nih share khawh a si.

Credit: Chin Celebrity News | April 18 | Andrew T Tling

Leave a Reply