Tuan Bia: 2015 lio ah Kokek puicimh ruangah Hakha a rak rawk i, Hakha khuapi khuasa dihlak kan mitthli a rak tla. Kan rak ngaihchiatpi cio hna. USDP nih a Cozah a rak tlaih lio a rak si i, Theinsein President a rak tuan lio a si. Chin State ah Hung Ngai Chief Minister a rak tuan lio si ve i, a hmesem nih philh awk tha lo in tuanbia ah a cang. A tu NLD Cozah a vun si ve i, Kokek rawhralnak cu Pathian thawng in a um hrawlo. A sinain, Cozah nih hngalhpi lomi ah ruahmi Inn 135 cu hrawh dih a si.

Pupa ram, Tlangram, Bawiram tibantuk zei hngalloin ai cawmi, ai cheumi tibantuk Khuate lei in a rak thudir mi tampi an um. Inn 135 hrawh piakmi ah phaisa an dih cio mi cu van um rih seh, rualchan,cingla ngei lo mi tampi an um i, a vakvai mi tampi an um kan mah dirhmun ah van I dirter cio hna hmenh uhsih. Techin Fapar chan tiangin philh awk tha lo tuanbia a si.

A ho nih dah Cozah a tlaih lio a si? a hodah riantuantu an si? Rampi President a tuan lio mi cu chim hau lo hngalh dih an si. A tu lio ah a lar bikmi min hna cu: Pu Lian Luai, Pu Zo Bawi, Pu Sui Thio, Pu Soe Thet an si. August 20, 2019 cu techin fapar chan tiangin philh a um ti lai lo i, tuanbia ah a canglan lai. Tuanbia tialtu nih hin tuanbia tha an tial tawn bantukin, tuanbia chia a tialtu zong an um tawn ve.

A rohhlan ah Video (VCD) in a chuak colh lai. Ruahchuk ruahcho: An thlaikheu, an mitthli le an hnapduk he an thutdirnak hmun i, a thudir te dingmi hna caah an thutdir sia a rem te hnga maw? Next process tu cuan than tuah hna uhsih. Credit:Ronal Pamawi Van Khawng