Hi Zawtnak Hi Na Ngeih Sual Ahcun Zeitindah Na Tei Lai?

Theihtlei

COVID-19 NA NGEIH SUAL AHCUN NA DAM NAKHNGA. COVID-19 zawtnak na ngeih nakhnga lo caah kan tuah dingmi, kan tuah lo dingmi (zulhphung) vialte cu chimh dih kan si cang. Asinain hi rungrul hi na ngeih sual ahcun na thihnak hnga lo, damnak na hmuh nakhnga tuah dingmi thil tampi sibawi thiamsang nih an kan cawnpiakmi a um ve. Hi zawtnak hi na ngeih sual ahcun zeitindah na tei lai?

China is trying to patent an experimental anti-coronavirus drug ...

1. Na thinlung in na tei lai. “Ka thi bal lai lo, ka dam hrimhrim lai, hi virus nihhin a ka tei kho bal lai lo” timi thinlung na put lai. Hi zawtnak hin a thimi nakin a dammi an tam deuh caah kei zong ka dam ve hrimhrim lai timi thinlung na put lai. Quarentine tuahnak hmun ah an chiahmi cheukhat hna cu zawtnak an ngei lo nain ka ngei ko cang lai timi thinphannak le lungretheihnak ruangah a thimi zong an um cang. Cucaah na thinlungput kha a biapi tuk.

China begins clinical trials for first coronavirus vaccine - Olive ...

2. Zawtnak na ngeih nai theih bakin rawl tam deuh in na ei chinchin lai. Rawl ei khawh nai zuam chih lai. Rawl na duh lo zongah changreu, thingthei, theihang na ei/din chinchin lai. Cu nihcun taksa tthawnnak an peek lai i zawtnak hrik kha na tei khawh lai. 3. Na zual tuk lo ahcun lente nai celh chih lai i na tthawng lai. Taksa ttawnnak in tei dingmi zawtnak asi. 4. Ti tampi in na din lai. Minung a kan ttawn tertu cu kan takpum chung a ummi ti asi.

5. Mitkuh cim tein na it lai. Mitkuhcimnak nih minung hi thazaang tampi a kan peek. Nai hngilh khawh lo ahcun na thazaang a der chin lengmang lai. 6. Sibawi nih si an in din termi kha hmantein na din lai. 7. Zumtu na si ahcun thla tam deuh in na cam lai i Pathian nih an bomh lai. Pathian bia in thazaang nai laak lai. Cu nihcun lawmhnak le hnangamnak an peek lai i Bawipa i nai lawmhnak nihcun thazaang tthawnak an peek lai. Na taksa caah damnak asi lai i na ruh caah thlik asi lai. Virus na tei khawh lai.

Cucaah zawtnak ngeih hi thih he ai khatmi ah ruah ding a si lo. A thimi nakin a dammi an tam deuh. A thimi pawl cu atlangpi in zawtnak dang ai ngeih chihmi le lungrethihnak in a khatmi an tam. Thazaang a ngei lomi tar chiakha deuhmi an tam. Sibawi tampi zong an thi ve nain sibawi tampi hi an ngan a dam ve lem lo. Zawtnak phunphun an ngei ve. Chirhchanh: UK i hi zawtnak chung in a dammi nu interview an tuahmi, RFA Radio news, UK i kan Laimi a dammi sibawi te nih ruahnak an cheuhmi, adang dang collections. Credit: Dr. Aung Myint Thang

Leave a Reply