Chin Artist of The Year caah Chin TV International nih tuahmi (Chin Artist of The Year 2020) Nominees an taarmi hna hi a tthatuk ko nain lung a tling lo ngai. A ruang? Zeiruang ah dah Chin Artist of The Year Nominees caah Chin TV International nih Myanmar Idol Season-4 Winner simi Esther Dawt Chin Sung hi an telh hnga lo? Ruah ding a tam ngai.

Mah bia ka chim tikah phundang pi ah ruah loin, (Chin Artist of The Year 2020) caah Nominees taarmi hna pinah Chinmi a kan cawisangtu le Myanmar Idol Season-4 ah Winner a kan lakpiaktu Esther Dawt Chin Sung hi vun telh chih hna sehlaw lung a hmuituk hnga.

Pupa zungthluk hmanh ah sunhlawih ding cu zunhlawih ding, thangtthattlak cu thangtthat ding ti si kha? Cucaah sunhsak le thangtlak thiam zong hi a herh ngai. Esther dirhmun hna ah khin hei dir ve ulaw amah nak zong in nan zual deuh kho men awh? Chim duhmi cu kan duh ning in an um lo men ah soisel ding zong khi a si lo i, kan duh ning an um ruangah kan thangtthat hna ding zong a si lo. Kan bia a sau lonak dingah fiang tein chim ko ahcun tutan Chin Artist of The Year 2020 dingah Esther Dawt Chin Sung tlukin aa tlakmi le pek tlak an um rih lo. Ka lawm. Credit: Cung Ding Bawi

Relchih: President Trump Nih Martial Law Chuah Dingah Ruahnak Hal Hna: President Donald Trump nih ruahnak a petu hna cu a auh hna i martial law chuah khawh a si le si lo, martial law chuah ah zeidah a cang kho? martial law chuah in zeidah an tuah khawh timi le US phunghram ah martial law chuah khawh a si le si lo ceihmainak tuchun ah an ngei.

Martial Law chuah ding ruahnak hi General Michael Flynn nih a chuahpi mi a si. President nih martial law a chuah hnu ah ralkap nih a herhning in tuanvo an laak lai, White House ah Joe Biden lut lo dingah an kham lai. Swing state 5 ah vote firnak le hrokhrawlnak a ummi vialte kherhhlai dingah special counsel caah Sidney Powell tuanvo pek an timh. Tuanvo an pek taktak ahcun voting machine pawl le vote firnak le hrokhrawlnak vialte an kherhhlai dih lai i, report an pek lai.

Martial law an chuah taktak ahcun vote thlakning le vote relning a buai tuknak, Battle ground state 5 ah thimnak a thar in tuah a si kho men. Asinain US constitution nih a onh taktak le onh taktak lo fiang tein an chim kho rih lo. President Trump nih biachahnak taktak a tuahmi um rih lo. Credit: Salai Lairamthang