A thi tiah an rak ti mi hi kan theih cio lai ka zumh. Voitam pi online in Paletwa le AA kong a rak chim lengmang mi a si. Abiachim mi cong kan ngaih cio bal cang lai I online ah cun kan hmuh cio mi a si ko lai.

Tunai teah Chin Land Voices nih a rak tarlangh ning ah cun a thi tiah theih a si. Hi kong hi fiang tein theih a si rih lo nain Moe Htein timi account nih a rak tarlangh chin mi a si I Chin mi a si caah nan theih mi a si lai, a thi cang I tuhi police pawl nih a ruak lakding in an kal lio a si tiah a rak tial. Hi pa hi Yun Ye Yun Ye timi account ngeitu kha a si I Paletwa harton nak kong a chim lengmang mi a si.

Hi thawngpang hi a hman mi a si ko ah cun Chin miphun le Rakhine miphun karlak ah buainak fakngai in a chuak kho mi a si. Nai teah khan hipa nih a chim mi cu “6-6-2020 ah Rakhin miphun nih ton a ka duh caah hmuhton nak kan ngei lai” tiah a rak chim mi zong a um. Chin11news

By Salai Lairamthang
Detroit – A City Being Abandoned Zeiruangah Detroit Khua An Chuah Taak?
Michigan state ah a ummi,Detroit khua cu 1701 ah Europe ram in mirang le french pawl nih a rak tlakmi khua a si. Kum 1765 ahcun Montreal le New Orleans hrawng ahcun khua dawh bik le khua ngan bik ah a chuah. British nih an rak pen hnu 1813 ah US kut ah a phan. Mirum tampi an rak ra i, inn le lo dawhdawh an sak i, an khua cu a dawh tuk caah Paris Of The West ti tiang in an rak auhmi khua a si.

1903 ah Ford Motor Company an dirh i, a dang motor company a simi, Dodge, Chrysler le a dangdang nih an rak fuh cio hna. Motor sernak lawng si loin sangphawlawng zong an ser i, Detroit khua cu US sipuazi a ngan bikmi khua 4nak tiang a hung phan. Sipuazi a that caah minung an hung kharh. 1980 kum ah Detroit khualai, downtown ah minak pawl an buai i, civil rights movement an chuahpi.

Civil rights momvement an chuahp hnu ah mirum pawl [ Mirang le Franch ] nih Detroit khua cu chuah taak hram an i thawk. Mirum pawl an chuah tik ah an company ngan pipi an khar i rian ngei lomi an kharh thluahmah. Rian ngei lomi an tam caah crime rianrang tein a karh colh ve. 1980 in 1990 kum 10 chungah Detroi khua cu minung 25% nih an khua an chuah taak hna.

Inn le lo tampi an kaal tak, sehzung tampi le riantuannak inn ngapipi an kal taak i, mithla khua bantuk ah a chuah. Atu ahcun mi sifak pawl umnak, cirme a tamnak khua le rian ngei lomi hna an umnak khua ah a chauh. Detroit khua kong nih thuk deuh in khuaruah khawhnak in pe cio hna seh.